ინტერესი სერიოზულია | ბარნლი მიქაუტაძეს აქტიურად აკვირდება
„მეცის“ ქართველ ფეხბურთელს, გიორგი მიქაუტაძეს ბევრი მსურველი ჰყავს და ერთ-ერთი, ვინც ახალგაზრდა თავდამსხმელს აქტიურად აკვირდება, „ბარნლია“. „კლარეტებმა“ პრემიერ ლიგის საგზური მოიპოვეს და ზაფხულის სატრანსფერო ფანჯრისას, შემადგენლობას რამდენიმე ტრანსფერით გააძლიერებენ.
ფრანგი ჟურნალისტის, იგნაციო გენორდის ცნობით, „ბარნლი“ მიქაუტაძით სერიოზულადაა დაინტერესებული. „კლარეტების“ ბელგიელი მთავარი მწვრთნელი, ვენსან კომპანი განსაკუთრებულად აფასებს იმას, რაც მიქაუტაძეს შეუძლია, მის გუნდს შესძინოს.
Auteur de vingt buts cette saison en L2, le Messin #Mikautadze suscite l’intérêt prononcé de #Burnley. Alors que les Clarets vont retrouver l’élite la saison pro, Kompany est particulièrement sensible au profil du Géorgien, qui a aussi la cote en Italie, notamment. #Mercato #FCM
— Ignazio Genuardi (@IgnazioGenuardi) May 4, 2023
გენორდის მიხედვით, „ბარნლისთვის“ სატრანსფერო თანხა გადაულახავი დაბრკოლება არ იქნება. „კლარეტებმა“ პრემიერ ლიგაში გადასვლით დიდი მოგება მიიღეს და „მეცის“ მოთხოვნის დაკმაყოფილება არ გაუჭირდებათ, თუმცა იტალიიდან რამდენიმე კონკურენტი ჰყავთ, რომელთა შორის „უდინეზე“ და „ჯენოა“ არიან.
შეგახსენებთ, რომ საფრანგეთის ლიგა 2-ის მიმდინარე სეზონში, მიქაუტაძეს 32 მატჩი აქვს ჩატარებული. მის ანგარიშზე 20 გოლი და 7 შედეგიანი გადაცემაა.
