ჭიკაძე VS ორტეგა? - UFC ორივე მხარეს დაუკავშირდა
UFC-ის ქართველი მებრძოლის, გიგა ჭიკაძის მომდევნო მეტოქე შესაძლოა ნახევრადმსუბუქი წონითი კატეგორიის მე-3 ნომერი, ბრაიან ორტეგა იყოს. ცნობილი ინსაიდერის, მენი მაიერის ინფორმაციით, UFC-ის პრომოუტერები ქართველი და ამერიკელი მებრძოლების ჩხუბის ორგანიზებაზე მუშაობენ.
რას წერს მაიერი:
UFC-ის სურს რომ უახლოეს მომავალში ბრაიან ორტეგასა და გიგა ჭიკაძის დაპირისპირების ორგანიზება მოახდინოს. UFC-ი უკვე დაუკავშირდა ბრაიანს და მან განაცხადა, რომ ამით დაინტერესებულია. ორტეგასთან ბრძოლა გიგა ჭიკაძესაც სურს.
UFC wants to make Brian Ortega vs Giga Chikadze next per Giga, UFC reached out to Brian about the fight, they said he was interested, has intentions to fight Giga next, and Giga wants that fight too pic.twitter.com/gcbj4ol4r8
— Meni Mayer (@MayerMeni) May 2, 2023
შეგახსენებთ, რომ გიგა ჭიკაძე ბოლოს 2022 წლის იანვარში, კელვინ კატარს შეხვდა და მსაჯების ერთსულოვანი გადაწყვეტილებით დამარცხდა. MMA-ში, ქართველი მებრძოლის ანგარიშზე 17 ბრძოლიდან 14 მოგება და 3 მარცხია.
რაც შეეხება ბრაიან ორტეგას (15:3), 32 წლის ამერიკელი ბოლოს ოქტაგონზე 2022 წლის ივლისში გამოჩნდა და იაირ როდრიგესთან პირველივე რაუნდში, ტექნიკური ნოკაუტით დამარცხდა.
