ვან დაიკი: “სალაჰი უკვე ლეგენდად აღიქმება, ამ კრიზისს დავძლევთ“

დიდი ხანია მოჰამედ სალაჰი „ლივერპულის“ მთავარი იმედია. ეგვიპტელი ვარსკვლავი მერსისაიდელთა ისტორიაში ერთ-ერთი ყველაზე შედეგიანი ფეხბურთელია.

სალაჰის შესახებ, „ლივერპულის“ ცენტრალურმა მცველმა ვირჯილ ვან დაიკმა ისაუბრა.

ვან დაიკი:

„დღევანდელმა შემადგენლობამ მნიშვნელოვანი თასების მოგებაში დიდი წვლილი შეიტანა. გამოსარჩევია სალაჰი, რომელიც უკვე ლეგენდად აღიქმება. ის ერთ-ერთ ყველაზე მნიშვნელოვანი ფეხბურთელია ჩვენთვის. ვფიქრობ, რაც მან „ლივერპულში“ გააკეთა, სამყარო მოგვიანებით უფრო მეტად დააფასებს.

პირადად ჩვენ, აბსოლუტურად ყველაფერს ვუფასებთ. მო ყოველდღიურად საოცრებებს გვთავაზობს. კარგად ვხედავთ მის შრომას და უბრალოდ ასე უნდა გააგრძელოს. წარმატება აუცილებლად მოვა და ამ კრიზისს დავძლევთ.“

სალაჰი „ლივერპულში“

ეგვიპტელი შემტევი მერსისაიდულ გრანდს 2017 წლის ზაფხულში შეუერთდა. 2017 წლიდან დღემდე, სალაჰმა „ლივერპულის“ მაისური ყველა ტურნირზე ერთად 298-ჯერ მოირგო, 183 გოლი გაიტანა და 74 საგოლე გადაცემა შეასრულა.