კალაბრია: კვარასთან დუელმა აღმაფრთოვანა, ის მომავლის ფენომენია
„ნაპოლი“ „მილანის“ მეოთხედფინალების შემდეგ, იტალიური და ევროპული პრესა კალაბრია-კვარაცხელიას დაპირისპირების შესახებ ხშირად წერს.
ამჯერად, ხვიჩას წინააღმდეგ თამაშზე კალაბრიამ თავად ისაუბრა და ქართველი შემტევის მიმართ პატივისცემა არ დამალა:
„იყო თუ არა ეს ჩემი კარიერის საუკეთესო თამაში? დიახ, ალბათ ასე იყო. ძალიან კარგად ვითამაშე და კმაყოფილი ვარ იმით, რაც ჩემპიონთა ლიგასა და ჩემპიონატის მატჩებში გავაკეთეთ.
კვარა? რა თქმა უნდა, მასთან დაპირისპირებამ მოტივაცია მომცა. მისი მსგავსი ფეხბურთელების წინააღმდეგ თამაში მომწონს. ამ დუელმა აღმაფრთოვანა. ჩვენ ვსაუბრობთ ბიჭზე, რომელიც რამდენიმე თვის წინ მოვიდა, მაგრამ მან აჩვენა, რომ მომავლის ფენომენია. ის უკვე იყო ლიგაში საუკეთესო.
ჩემი გუნდით ძალიან ვამაყობ. არ არის მარტივი ყოველ ჯერზე გაუმკლავდე მატჩის თითოეულ წამს, მაგრამ ჩვენ მაინც შევძელით და მნიშვნელოვან შეხვედრებში ბარიერი დავძლიეთ“.
- ციტირებს კალაბრიას სიტყვებს DAZN-ი.
შეგახსენებთ, რომ ორი მატჩის ჯამში „მილანმა“ „ნაპოლის“ 2:1 მოუგო და ნახევარფინალში „ინტერს“ შეხვდება.
