„ვინმემ ოსიმენი მოედანზე ნახა? კვარა ცოტათი ეგოისტურად გამოიყურებოდა“
„ნაპოლი“ „მილანის“ განმეორებითი შეხვედრის შემდეგ, იტალიურ პრესაში დიდი გამოხმაურებებია. მათ შორის აქტიურად საუბრობენ ხვიჩა კვარაცხელიას შესახებაც.
ყოფილი საფეხბურთო აგენტი და ამჟამად ტელეექსპერტი ენრიკო ფედელე „ნაპოლის“ თამაშს აფასებს და სპალეტის გუნდის კრიტიკას არ ერიდება.
„ვინმემ ოსიმენი მოედანზე ნახა? მართალი გითხრათ მე ის არ მინახავს. მისი ძმა ვნახე და შესაძლოა ნამდვილი ოსიმენი გასახდელში დარჩა. ნაპოლი 10 კაცით თამაშობდა.
პენალტი ლოზანოზე? არ ვიცი, მეუბნებიან, რომ ჟირუს პენალტიც გადასახედი იყო. ყველაზე სევდიანი რაც ამ მატჩში დიეგო მარადონაზე მოხდა, აურელიო დე ლაურენტისია - მან ამ მარცხის შედეგად მილიონები დაკარგა.
ყველაფრის გათვალისწინებით, მილანის მომდევნო ეტაპზე გასვლა დამსახურებულად გამოიყურება.
კვარაცხელია? ჩემი აზრით, ქართველი ფორვარდი ცოტათი ეგოისტურად გამოიყურებოდა“.
- განაცხადა ფედელემ, რომელიც ნეაპოლელთა მატჩებს სისტემატურად აფასებს.
შეგახსენებთ, რომ ორი მატჩის ჯამში „როსონერიმ“ 2:1 მოიგო და ნახევარფინალშია. მისი მეტოქე „ინტერსა“ და „ბენფიკას“ შორის გამარჯვებული იქნება.
