კიაერი: „ოსიმენის დაბრუნება? ნაპოლის ძალა გუნდურობაშია“

ხვალ, ჩემპიონთა ლიგის 1/4 ფინალური ეტაპის საპასუხო მატჩში, „ნაპოლი“ საკუთარ მოედანზე „მილანს“ დაუპირისპირდება.

შეხვედრამდე 1 დღით ადრე, „როსონერის“ მცველმა, სიმონ კიაერმა მოახლოებულ მატჩზე ისაუბრა.

რა თქვა კიაერმა:

ოსიმენის დაბრუნება? ის გუნდს ნამდვილად დიდ ძალას მატებს. შესანიშნავი მოთამაშეა და ფანტასტიკურ სეზონს ატარებს. უნდა ვითამაშოთ ასეთი დონის მოთამაშის შეჩერებაზე, თუმცა „ნაპოლი“ მხოლოდ ერთ ფეხბურთელზე არ არის დამოკიდებული. მათი ძალა გუნდურობაშია. დაცვის ხაზი ნამდვილად კარგ ფორმაშია და ჩვენი შესაძლებლობების მჯერა. ყველაფრისთვის მზად ვართ. მეტოქე ბოლო ორ შეხვედრაში დავამარცხეთ და მჯერა, ამას ხვალაც შევძლებთ. ძლიერ გუნდს ვხვდებით, მაგრამ არ დაგავიწყდეთ, ჩვენ „მილანი“ ვართ!

შეგახსენებთ, რომ საპასუხო მატჩისთვის „ნაპოლის“ ვიქტორ ოსიმენი დაუბრუნდა, რომელმაც პირველი შეხვედრა ტრავმის გამო გამოტოვა. ხვალინდელი შეხვედრა საქართველოს დროით 23:00 საათზე დაიწყება.