„ხვალისთვის ეს გაკვეთილი უნდა იყოს“ - რა თქვა პიოლიმ მატჩის წინ
ხვალ, ჩემპიონთ ლიგის 1/4 ფინალური ეტაპის საპასუხო მატჩში, „ნაპოლი“ საკუთარ მოედანზე „მილანს“ დაუპირისპირდება.
შეხვედრამდე 1 დღით ადრე, „როსონერის“ მთავარმა მწვრთნელმა, სტეფანო პიოლიმ პრესკონფერენცია გამართა და ჟურნალისტების კითხვებს უპასუხა.
რა თქვა პიოლიმ:
ძალიან გვიხარია, რომ აქ, ამ ეტაპზე ვიმყოფებით და შესანიშნავი მატჩის ჩასატარებლად ვემზადებით. კონტრშეტევებზე თამაში ჩვენთვის დამახასიათებელი სტილია და ვეცდებით, თავი კარგად წარმოვაჩინოთ. იმედი მაქვს, რომ კარგი თამაში იქნება. მინიმალური უპირატესობა გვაქვს ისეთ გუნდთან, რომელსაც ჩემპიონთა ლიგაზე ბოლო 12 მატჩია საკუთარ მოედანზე არ წაუგია, ამავდროულად, 3-4 გოლი გააქვთ. ჩვენი თამაში უნდა ვითამაშოთ, ბურთი უნდა გავაკონტროლოთ და გუნდურობა ვაჩვენოთ.
პირველ მატჩში, ორივე გუნდს ჰქონდა თავისი შანსები და ვინც ამ შანსებს გამოიყენებს, ის გაიმარჯვებს. „ნაპოლის“ მილანში ჩვენზე უკეთესი სტარტი ჰქონდა, თუმცა საბედნიეროდ ვერ გაგვიტანეს, ხვალინდელ შეხვედრაში ეს გაკვეთილი უნდა იყოს.
სერია A-ში მეოთხე ადგილი? ახლა აქ ვართ, ჩემპიონთა ლიგაზე და უმნიშვნელოვანესი თამაშისთვის ვემზადებით. ვიცით, საიდან მოვდივართ და რა გვინდა. ახლა 1/4 ფინალში ვთამაშობთ და მხოლოდ ამ მატჩზე ვარ კონცენტრირებული. მოგებისთვის უმაღლესი დონის თამაში გვჭირდება, დასკვნები და შეფასებები კი ოდნავ მოგვიანებით გავაკეთოთ.
ვიცით, რომ სტადიონზე საოცარი ატმოსფერო იქნება. „ნაპოლის“ ფეხბურთელები ამით დაიმუხტებიან, მაგრამ ეს ჩვენთვისაც იგივე იქნება. მიზანი კვლავ გამარჯვება იქნება. პირველ მატჩში ძალიან მცირე უპირატესობა მოვიპოვეთ, მაგრამ სამუშაო ჯერ არ დაგვისრულებია. ყველაფერს გავაკეთებთ მომდევნო ეტაპზე გასასვლელად.
ოსიმენი ძლიერი ფეხბურთელია, რომელსაც საჯარიმოში საოცარი ინტუიცია აქვს. თუმცა, ჩვენ თამაშის საკუთარი გზა გვაქვს და ამას უნდა მივყვეთ. „ნაპოლის“ ბოლო თამაშები კარგად შევისწავლეთ და ყველაფრისთვის მზად ვართ.
შეგახსენებთ, რომ „ნაპოლისა“ და „მილანის“ შეხვედრა 18 აპრილს, საქართველოს დროით 23:00 საათზე დაიწყება. პიოლის გუნდმა პირველი მატჩი „სან სიროზე“ 1:0 მოიგო, რის გამოც „ნაპოლის“ მომდევნო ეტაპზე გასასვლელად მხოლოდ ორბურთიანი სხვაობით გამარჯვება სჭირდება.
