ბაიერნმა მანე 500 ათასი ევროთი დააჯარიმა
ლეროი სანესა და სადიო მანეს შორის არსებული კონფლიქტი გერმანული პრესის განხილვის მთავარი თემაა. დღეს გაირკვა, რომ მიუნხენურმა კლუბმა სენეგალელი შემტევი 500 ათასი ევროთი დააჯარიმა.
Bild-ის ცნობით, ლეროი სანემ კლუბს სთხოვა, რომ მანესთან კონტრაქტი არ გაეწყვიტათ და ის მკაცრად არ დაესაჯათ, თუმცა „რეკორდმაისტერმა“ მოქმედება უკვე დაიწყო.
შეგახსენებთ, რომ ჩემპიონთა ლიგაზე „სიტისთან“ მატჩის შემდეგ, მანემ სანეს სახეში დაარტყა. კონფლიქტი შეხვედრის შემდეგ გასახდელში მოხდა.
როგორც დღეს გახდა ცნობილი, სანემ მანეს „შავი ნეხვი“ უწოდა. ამის შესახებ ჟურნალისტი პაპა მუჰამედ გეიე სოციალურ ქსელში წერს.
"Noir de merde" les propos de L.Sané qui ont mis Sadio Mané dans tous ses états.
— Papa Mahmoud Gueye (@billmahmuud) April 13, 2023
L'ancien citizen a regretté ses propos juste après l'accrochage.
Mané, qui s'est excusé devant ses coéquipiers, est suspendu pour le match face à Hoffenheim. Son avenir au Bayern n'est pas menacé.
დასჯის ვარიანტებს შორის განიხილებოდა შეთანხმების დარღვევა და კონტრაქტის გაწყვეტა, მაგრამ საბოლოოდ „ბაიერნის“ ხელმძღვანელებმა გადაწყვიტეს ეს არ გაეკეთებინათ.
ოფიციალურ ვებ გვერდზე კლუბმა გამოაცხადა, რომ მანე 15 აპრილს ბუნდესლიგაში „ჰოფენჰაიმის“ წინააღმდეგ არ ითამაშებს. სენეგალელ ფეხბურთელს ფულადი ჯარიმის გადახდა მოუწევს.
