ალ ჰილალის ოფიციალური შეთავაზება მესის - წელიწადში 400 მილიონი
დღეს ცნობილი გახდა, რომ ლიონელ მესი „პარი სენ ჟერმენთან“ კონტრაქტს არ გაახანგრძლივებს და მიმდინარე წლის 30 ივნისის შემდეგ თავისუფალი აგენტი გახდება.
არგენტინელი სუპერვარსკვლავის უკან დაბრუნებით „ბარსელონა“ ინტერესდება. ამის პარალელურად კი ფაბრიციო რომანომ სენსაციური ინფორმაცია გაავრცელა.
რომანოს თქმით, „ალ ჰილალმა“ 2022 წლის მსოფლიოს ჩემპიონს ოფიციალურად მიმართა და ზღაპრული წინადადება შესთავაზა. არაბული კლუბი მესის წლიურ ანაზღაურებას 400 მილიონ ევროს ჰპირდება.
ფაბრიციო იმასაც წერს, რომ ლიონელის პრიორიტეტი ევროპაში დარჩენაა. ამ მომენტისთვის, „ბარსელონა“ FFP-ს წინადადების გაგზავნას და მოლაპარაკებების გახსნას ელოდება. ასევე, ლეოსთვის „პარი სენ ჟერმენის“ შეთავაზება მიუღებელია, რადგან მას სპორტული გარანტიები სჭირდება, რომელსაც ფრანგული გრანდი ვერ აძლევს.
???? Understand Al Hilal sent an official bid to Leo Messi: salary worth more than €400m/year.
— Fabrizio Romano (@FabrizioRomano) April 4, 2023
◉ Leo’s absolute priority: continue in Europe.
◉ Barcelona, waiting on FFP to send bid and open talks.
◉ PSG bid, not accepted at this stage as Messi wanted sporting guarantees. pic.twitter.com/FVTDGs4eQV
შეგახსენებთ, რომ მესი პსჟ-ს 2021 წლის ზაფხულში შეუერთდა. 2021 წლიდან დღემდე, 7 ოქროს ბურთის მფლობელმა პარიზული კლუბის მაისური ყველა ტურნირზე ერთად 67-ჯერ მოირგო, 29 გოლი გაიტანა და 32 საგოლე გადაცემა შეასრულა.
