გულიაშვილისა და ფეიქრიშვილის გოლები - დინამომ მონცა დაამარცხა
ვიტალი დარასელიას საერთაშორისო ტურნირის A ჯგუფის პირველ ტურში თბილისის „დინამოს“ აკადემიამ იტალიური „მონცა“ 2:0 დაამარცხა. ანგარიში პირველ ტაიმში თორნიკე გულიაშვილმა გახსნა. მეორე ტაიმის დამატებულ წუთზე ალექსანდრე ფეიქრიშვილმა მატჩის საბოლოო ანგარიში დააფიქსირა.
თბილისის „დინამოს“ აკადემია შემდეგ მატჩს „ყარაბაღთან“ 5 აპრილს გამართავს, შეხვედრა 16:00 საათზე დაიწყება.
B ჯგუფში „ბაშაქშეჰირი“, „სევილია“ და „ჯენოა“ ასპარეზობენ. პირველ ტურში „სევილიასა“ და „ჯენოას“ შეხვედრა 1:1 დასრულდა. ესპანური კლუბის მხრიდან პერეს მონრეალმა გაიტანა, „ჯენოას“ რიგებში თავი ალესანდრო პალიარიმ გამოიჩინა.
შეგახსენებთ, ვიტალი დარასელიას სახელობის საერთაშორისო ტურნირის 2022 წლის გათამაშებაში 6 გუნდი მონაწილეობს.
