„ჩემს ცოლს ვეხუმრე: ნახევარი საქართველო აქ არის“- ფაჩულია კვარას საგულშემატკივროდ ჩავიდა
იტალიის სერია ა-ს 28-ე ტურში ფეხბურთის გულშემატკივრის ყურადღება ნაპოლი - მილანის მატჩისკენ მიიმართა, რომელსაც ლეგენდარული ქართველი კალათბურთელი, NBA-ს ორგზის ჩემპიონი, ზაზა ფაჩულიაც დაესწრო.
მატჩამდე, ადგილობრივი CBS Sports Golazo საქართველოს ეროვნული ნაკრების ყოფილ კაპიტანს ნაპოლის ქართველი ვარსკვლავის, ხვიჩა კვარაცხელიას შესახებ გაესაუბრა:
ხვიჩა კვარაცხელია მთელ საქართველოსა და ქართველ ერს წარმოადგენს. ჩვენნაირი პატარა ერისთვის, ეს მართლაც ბევრს ნიშნავს. ჩემს ცოლს ვეხუმრე კიდეც: მგონი, ნახევარი საქართველო მართლაც აქ არის, რადგან ,,მარადონაზე" ძალიან ბევრ ქართულ დროშას ვხედავ. ძალიან ვამაყობ.
ჩვენს ქვეყანას, კვარას სახით, შესანიშნავი ფეხბურთელი ჰყავს , ის ბავშვებისთვის მისაბაძ მაგალითად იქცა.
პირადად მე, ნეაპოლში სან-ფრანცისკოდან ჩამოვედი, რადგან მსურს ჩემს ქართველ სუპერვარსკვლავს თანადგომა გამოვუცხადო".
Who better to talk about Khvicha Kvaratskhelia than our very own little and large double act of 2 time NBA champion @zaza27 and Zola. ???????? pic.twitter.com/OL7cp0Ivb6
— CBS Sports Golazo ⚽️ (@CBSSportsGolazo) April 2, 2023
თავად ხვიჩამ, მილანთან მატჩის წინ, სერია ა-ს თვის საუკეთესო ფეხბურთელისთვის განკუთვნილი ჯილდო ზედიზედ მეორედ, საბოლოო ჯამში კი, მესამედ მიიღო, რაც ერთ სეზონში ნაჩვენები შედეგების გათვალისწინებით, ისტორიაში ყველაზე მეტია.
