„მერაბი მხეცია! იანი მოკვდა“ - MMA-ს მებრძოლების გამოხმაურება

მერაბ დვალიშვილმა რუსი პეტრ იანი 5-რაუნდიან ბრძოლაში უშანსოდ დაამარცხა და არბიტრების ერთსულოვანი გადაწყვეტილებით გამარჯვება მოიპოვა.

ქართველი მებრძოლის საოცარ წარმოდგენას MMA-ს მებრძოლები გამოეხმაურნენ და დვალიშვილი-იანის დაპირისპირებაზე თავიანთი აზრი გამოთქვეს:

ალჯამეინ სტერლინგი: „ქართული ძალა! ჩემს ცხოვრებაში რა წარმოუდგენელი მომენტია, რომ ეს მომენტი ჩემს ძმას მერაბ დვალიშვილს გავუზიარო! გილოცავთ დღევანდელ დიდ გამარჯვებას!”

ჰენრი სეხუდო: „ძვირფასო დანა უაით, მე მინდა, რომ მერაბ დვალიშვილი იყოს დამზღვევი სათადარიგო ვარიანტი (სეხუდო ფიქრობს, რომ სტერლინგი მასთან არ იჩხუბებს). მომეცით საშუალება, ვაჩვენო ის, რაც შემიძლია“.

ბელალ მუჰამედი: „წარმოიდგინეთ, თუ მერაბს და ალჯოს - კოლბისა და მასვიდალის მსგავსი დაშორების ისტორია ექნებათ“.

ილია თოფურია: „ჩემი ძმა - ლეგენდა! ვამაყობ შენით! ვინ არის ახლა ნული?“

ადრიან იანესი: „მერაბ დვალიშვილი დღეს საუკეთესო იყო".

იასმინ იასუდავიჩუსი: „შენიშვნა ბანტმავეიტებისთვის: „არ გააბრაზოთ მერაბი“.

საიდ-იოკუბ კახრამონოვი: „იანი მოკვდა. ვულოცავ მერაბ დვალიშვილს, მასში ეჭვი არასდროს შემპარვია“.

ბრაიან ორტეგა: „ამ ბიჭის კარდიო მომზადება სხვა დონეზეა! თეიქდაუნები თეიქდაუნებზე ჰქონდა და ჯერ კიდევ დაღლა არ ეტყობა“.

ალ იაკინტა: „ოთხივე ბონუსი მერაბს უნდა გადასცეთ“.

ბრედ ტავარესი: „ეს იანისთვის არავის გაუკეთებია! მერაბ დვალიშვილი მხეცია!“

მეთ ბრაუნი: იანი ჩემი აზრით მსოფლიოს 10 საუკეთესო მებრძოლს შორისაა, მაგრამ მერაბი უბრალოდ საოცარია“.