7-მატჩიანი უგოლო სერია შეწყვიტა - არაბულის ეფექტური გოლი ავსტრალიაში

ავსტრალიის A ლიგაში „მაკარტურმა“ შინ „ბრისბენ როარი“ 3:2 დაამარცხა. მასპინძლებმა პირველი ტაიმი ბაჩანა არაბულის გოლით მოიგეს, ქართველმა ფორვარდმა ანგარიში ეფექტური დარტყმით მე-14 წუთზე გახსნა და 7-მატჩიანი უგოლო სერია შეწყვიტა.

ბაჩანა 61-ე წუთზე შეცვალეს, როცა ანგარიში კვლავ 1:0 იყო. დანარჩენი გოლები მისი მოედნიდან გასვლის შემდეგ გავიდა.

12-გუნდიან A ლიგაში „მაკარტურმა“ 19 მატჩში 24 ქულა დააგროვა, მე-7 ადგილს ბექა მიქელთაძისა და ბექა დარცმელიას „ნიუკასლ ჯეტსთან“ იყოფს.

ავსტრალიის ჩემპიონატის მიმდინარე სეზონში არაბულმა 12 მატჩში 4 გოლი შეაგდო.