პოტერი: მე და ჩემმა ოჯახმა სიკვდილის შემცველი წერილები მივიღეთ
„ჩელსის“ მთავარმა მწვრთნელმა გრემ პოტერმა განაცხადა, რომ მას სასიკვდილო მუქარის შემცველი წერილები მისდიოდა. ქომაგებს მისი სიკვდილი სურდათ.
„მიუხედავად იმისა, რომ მხარდაჭერა მივიღე, ასევე მივიღე არც თუ ისე სასიამოვნო წერილები, რომლებშიც ადამიანები მე და ჩემს შვილებს სიკვდილს გვისურვებდნენ, ასე რომ, რა თქმა უნდა, მათი მიღება არც თუ ისე სასიამოვნოა.
ეს ჩემთვის გამოწვევაა. როგორ უნდა მოვიქცე? რაც უფრო მაღალია თამასა, მით უფრო დიდია შენზე ზეწოლა. აქ მინდა წარმატებას მივაღწიო.
სამსახურში წასვლისას, თუ ვინმე გაგინებთ, თქვენ ასეთ დროს ორი გზა გაქვთ - ან თქვათ, რომ არ გაინტერესებთ, მაგრამ ეს თავის მოტყუებაა. ყველას აინტერესებს ხალხის აზრი, რადგან ჩვენ სოციალური კავშირებისთვის დაპროგრამებულები ვართ.
ჰკითხეთ ჩემს ოჯახს, როგორი იყო ჩემი და მათი ცხოვრება. სულაც არ იყო სასიამოვნო. მესმის, რომ გულშემატკივრები სახლში გაღიზიანებული მიდიან.
მუქარის წერილები? ჩვენ ეს გვერდით უნდა გადავდოთ. საბედნიეროდ, ეს არის ერთჯერადი ინციდენტი, თუმცა ეს შეიძლებოდა სადმე სხვაგანაც მომხდარიყო.
ეს უსიამოვნო მომენტია და უსიამოვნოა ოჯახისთვის. შეგიძლიათ მიიღოთ კრიტიკა, შეგიძლიათ მიიღოთ პროტესტი, თუ მატჩი წააგეთ, შეგიძლიათ მიიღოთ აბსოლუტურად ყველაფერი, რაც თქვენს გზაზეა“.
- ამბობს პოტერი.
