რაფაელ ბენიტესი: „ნაპოლის ჩემპიონთა ლიგის მოგება შეუძლია“

ცნობილმა ესპანელმა სპეციალისტმა, რაფაელ ბენიტესმა, რომელიც წარსულში „ნაპოლისაც“ წვრთნიდა, The Guardian-თან მიცემულ ვრცელ ინტერვიუში „ნაპოლის“ შესახებაც ისაუბრა და ლუჩანო სპალეტის გუნდი შეაქო.

62 წლის ბენიტესი „პარტენოპეის“ ჩემპიონთა ლიგის ერთ-ერთ ფავორიტადაც მოიაზრებს.

რას ამბობს ბენიტესი:

ხალხი ახლა მადრიდის „რეალზე“, „ლივერპულსა“ და სხვა გრანდების შესახებ საუბრობს, მაგრამ „ნაპოლის“ მათ გვერდით არ აყენებენ. საპირისპიროდ, „ნაპოლი“ საკმაოდ თვითდაჯერებულია, კარგად თამაშობს და ორივე ტურნირზე საკმაოდ კარგად გამოიყურება. ეს ფაქტი არ უნდა იწვევდეს ყურადღების გაფანტვას. ისინი თამაშიდან-თამაშამდე წინ მიიწევენ და უფრო იზრდებიან. მოიგებენ თუ არა ჩემპიონთა ლიგას? რატომაც არა?.. მე არ ვამბობ, რომ აუცილებლად გაიმარჯვებენ, მაგრამ რატომაც არა?

შეგახსენებთ, რომ „ნაპოლი“ ჩემპიონთა ლიგის 1/8 ფინალური ეტაპის პირველ შეხვედრას 21 თებერვალს, სტუმრად „აინტრახტის“ წინააღმდეგ გამართავს. მატჩი საქართველოს დროით 23:55 საათიდან დაიწყება.