6 სამქულიანი - მაკფადენის მაგარი მატჩი და მურსიას გამარჯვება
საქართველოს კალათბურთელთა ნაკრების ნატურალიზებულმა წევრმა თად მაკფადენმა ჩემპიონთა ლიგაზე ბრწყინვალე შეხვედრა ჩაატარა და „მურსიას“ „დარუშაფაკასთან“ გამარჯვებაში დაეხმარა.
მასპინძლებმა 96:87 მოიგეს. მაკფადენმა პარკეტზე 23:37 წუთი გაატარა, მისი მონაგარი 26 ქულა, 2 მოხსნა და 1 გადაცემა იყო. 10-დან 6 სამქულიანი, 6-დან 6 საჯარიმო - ასეთი იყო მისი სტატისტიკა.
მასპინძლებმა შეხვედრაში გარდატეხა დასკვნით მეოთხედში შეიტანეს. მაკფადენის სამიანებმა მნიშვნელოვანი როლი შეასრულა.
მაკფადენის გუნდს 3 ტურის შემდეგ, 2 მოგება და 1 მარცხი აქვს. მომდევნო შეხვედრას ესპანელები კვლავ „დარუშაფაკასთან“ ითამაშებენ, ამჯერად სტუმრად. ხსენებულ L ჯგუფს 3 გამარჯვებით გიორგი შერმადინის „ტენერიფე“ ლიდერობს.
Up to 24 in 24min! Where's @ThadJr12 gonna finish? ????#BasketballCL I @UCAMMurcia pic.twitter.com/M8VkeTKGdX
— Basketball Champions League (@BasketballCL) February 15, 2023
