მომავალ ვარსკვლავებს შორის - როგორია ხვიჩას სპეციალური ქარდი FIFA 23-ში
FIFA 23-ის Ultimate Team-ის მოთამაშეებს „მომავალი ვარსკვლავების“ (Futere Stars) ქარდების დასაკუთრების საშუალება აქვთ. EA Sports-ი ყოველწლიურად არჩევს 23-წლამდე ასაკის ფეხბურთელებს, რომლებსაც დიდი პოტენციალი აქვთ, მაგრამ ვარსკვლავური სტატუსი ჯერ არ მოუპოვებიათ და მათ სპეციალურ ქარდებს უძღვნის.
5 თებერვალს, Ultimate Team-ის მოყვარულებმა „მომავალი ვარსკვლავების“ პირველი გუნდი იხილეს, 10 თებერვალს კი FIFA 23-ში მეორე გუნდი გამოჩნდება, რომელშიც „ნაპოლის“ ქართველი შემტევი, ხვიჩა კვარაცხელიაც იქნება. ეს ინფორმაცია ოფიციალურად რამდენიმე წუთის წინ დადასტურდა.
????Kvaratskhelia???????? is coming in TEAM 2✅ @FutArcade
— Fut Sheriff (@FutSheriff) February 9, 2023
Stats OFFICIAL ????????⚡️
Make sure to follow @FutSheriff & @Criminal__x ❤️#fifa23 pic.twitter.com/lSo5fPmuLI
ამ ქარდის მიხედვით, „კვარას“ რეიტინგი 90 გახლავთ და საუკეთესო მაჩვენებლები დრიბლინგსა და სისწრაფეში აქვს - 93-93. ხვიჩას დარტყმაში 84 დაუწერეს, პასში - 86, ფიზიკურ კომპონენტში - 73, ხოლო დაცვაში - 47. ეს პირველი შემთხვევაა, როცა „მომავალი ვარსკვლავების“ გუნდში ქართველი ფეხბურთელი მოხვდა.
შეგახსენებთ, რომ კვარაცხელიამ სერია A-ს მიმდინარე სეზონის 17 მატჩში, 8 გოლი შეაგდო და 9 საგოლე პასი შეასრულა. გარდა ამისა, ჩემპიონთა ლიგის ხუთ შეხვედრაში, 2 გოლითა და 3 საგოლე გადაცემით გამოიჩინა თავი. ასე რომ, მიმდინარე სეზონში ორივე ტურნირის გათვალისწინებით, მის აქტივში 10 გოლია.
