ლობჟანიძის მორიგი საგოლე პასი - ჰატაისპორი გაზიანტეპთან დამარცხდა
თურქეთის სუპერ ლიგის მორიგ ტურში „ჰატაისპორი“ „გაზიანტეპს“ ესტუმრა და 1:4 დამარცხდა. ეს მატჩი იმით იწვევდა ინტერესს, რომ სტუმართა გუნდში საბა ლობჟანიძე მოგვევლინა ძირითად შემადგენლობაში.
აღსანიშნავია, რომ პირველ ტაიმში უპირატესობას „ჰატაისპორი“ ფლობდა. ეს კი იმაში გამოვლინდა, რომ 27-ე წუთზე ელ კააბიმ ანგარიში გახსნაა. სასიხარულოა, რომ საგოლე გადაცემა ლობჟანიძემ შეასრულა.
სამწუხაროდ, გატანილი გოლის შემდეგ, ქართველი ფეხბურთელის გუნდი ჩამოიშალა. ჯერ 38-ე წუთზე იევტოვიჩმა ანგარიში გაათანაბრა, ხოლო მეორე ტაიმში „გაზიანტეპმა“ მიყოლებით 3 გოლი გაიტანა და როგორც უკვე მოგახსენეთ 4:1 მოიგო.
ცნობისთვის, ამ წაგების შემდეგ, „ჰატაისპორს“ 20 ქულა დარჩა და სატურნირო ცხრილში მე-17 ადგილზე, გასავარდნ ზონაში იმყოფება. შემდეგ ტურში საბა და მისი თანაგუნდელები „ქასიმფაშას“ უმასპინძლებენ.
