ნევილი: გუარდიოლას ფერგიუსონის მსგავსი მენტალიტეტი აქვს

გარი ნევილმა პეპ გუარდიოლა ალექს ფერგიუსონს შეადარა.

„პეპ გუარდიოლას ისეთივე მენტალიტეტი აქვს, როგორიც სერ ალექს ფერგიუსონს და კენი დალგლიშს. ისინი შესანიშნავი მწვრთნელები და პიროვნებები არიან, რომლებიც ზოგჯერ თავხედებიც არიან. ზოგჯერ მათთვის რთულია, როცა საქმე ისე არ მიდის, როგორც მათ სურთ და აკრიტიკებენ.

მე ხუთშაბათს ვთქვი, როდესაც კომენტარს მანჩესტერ სიტი (4-2) ტოტენჰემზე ვაკეთებდი, რომ ვფიქრობ, ზოგჯერ ამ დიდ მენეჯერებს გამარჯვებები ერთნაირად მობეზრდებათ. მათ მოსწონთ სხვადასხვა რამის მოსინჯვა, რათა კვლავ დაამტკიცონ საკუთარი თავი, რაც თამაშის ხედვის შეცვლას ნიშნავს.

მე ეს სერ ალექს ფერგიუსონში და სხვებშიც მინახავს. ეს კარგი განზრახვებიდან მოდის, მაგრამ ისინი შეიძლება იყოს რთული, გამაღიზიანებელი. ეს არის ის, რაც მე ვფიქრობ პეპთან ამჟამად ხდება.

მან იცის, რომ სეზონის მეორე ნახევარში ბრძოლა იქნება. მე ნამდვილად ვფიქრობ, რომ სიტის თანმიმდევრულობა სჭირდება. არსენალს ჰყავს შვიდი კაცი, რომლებსაც ყველა მატჩში უთამაშიათ, ხოლო სიტის ჰყავს ოთხეული, რომელიც ყოველ კვირა იცვლება.

ზოგჯერ ეს დაკავშირებულია ტრავმასთან, მაგრამ ბევრი სხვა რამ ხდება. ისინი ტიტულისთვის ნამდვილ ბრძოლაში არიან. ადრეც მიიღეს მონაწილეობა და წარმატებასაც მიაღწიეს, ახლა კი ძალიან ჩამორჩებიან.

ისინი რვა ქულით ჩამორჩებიან არსენალს, მაგრამ მათ ერთმანეთთან ორჯერ თამაში მაინც მოუწევთ.

მე ვამბობ, რომ არსენალი პრემიერ ლიგას ვერ მოიგებს, რადგან 20 წელია არ მოუგია და ამ მოთამაშეთა უმეტესობამ არ იცის ეს როგორია. მათ უნდა დაამტკიცონ, რომ სეზონის მეორე ნახევრის გავლა და ლიგის მოგება შეუძლიათ“,

- განაცხადა ნევილმა თავის პოდკასტში.