ავსტრალიის ღია პირველობაზე რუსეთისა და ბელარუსის დროშები აკრძალეს
ავსტრალიაში 2023 წლის პირველი დიდი სლემი მიმდინარეობს და ტურნირის ორგანიზატორებმა მაყურებლებს ტრიბუნებზე რუსეთისა და ბელარუსის დროშების გამოფენა აუკრძალეს. ეს გათამაშების პირველ დღეს მომხდარმა ინციდენტმა განაპირობა, როცა ერთ-ერთმა გულშემატკივარმა რუსეთის დროშა გამოფინა.
„რუსეთისა და ბელარუსის დროშები აკრძალულია. თავდაპირველად, ქომაგებს უფლებას ვაძლევდით, დროშები მოეტანათ, მაგრამ ეს ავუკრძალეთ, რადგან ხარვეზები თავიდან ავირიდოთ. აკრძალვა ძალაში დაუყონებლივ შევიდა. ჩვენ ჩოგბურთელებთან და გულშემატკივრებთან ერთად ვმუშაობთ, რათა ჩოგბურთისგან სიამოვნების მისაღებად მაქსიმალურად კომფორტული გარემო შეიქმნას“, - ნათქვამია ოფიციალურ განცხადებაში.
The red, white, and blue stripes of Russia were held up by fans on January 16 during a first-round clash between Ukraine's Kateryna Baindl and Russia's Kamilla Rakhimova. Ukrainian fans reportedly called security and police to the stands.https://t.co/PRHcZPdetg
— Radio Free Europe/Radio Liberty (@RFERL) January 17, 2023
ცნობისთვის, ზემოთ ხსენებული ინციდენტი კამილია რახიმოვასა და უკრაინელ კატერინა ბაინდლს შორის გამართულ შეხვედრას უკავშირდება. მატჩისას, ტრიბუნებზე რუსეთის დროშა გამოჩნდა, რის შემდეგაც, უკრაინელმა გულშემატკივრებმა პოლიცია და დაცვის სამსახურის წარმომადგენლები გამოიძახეს.
