ჩავი: „ამ მატჩში ახალგაზრდა ფეხბურთელების ტიტულისადმი ლტოლვა ცხადი იყო“

ბარსელონამ ესპანეთის სუპერთასი ისტორიაში მეთოთხმეტედ და ყველაზე მეტჯერ მოიგო. ფინალურ დაპირისპირებაში კატალონიელებმა მადრიდის რეალი დამაჯერებლად, ანგარიშით - 1-3 დაამარცხეს.

ჩავი (ბარსელონას მთავარი მწვრთნელი):

,,ძალიან ბედნიერი და კმაყოფილი ვარ. ეს ტიტული და მატჩი, რომელიც მოვიგებთ, იმ ბარსელონას ისტორიაში, რომელსაც ჩვენ ვქმნით, უმნიშვნელოვანესია. მსგავსი გამარჯვევებები კლუბისა და პრესის სრული ნდობის შემადგენელი ნაწილია.

მიუხედავად იმის, რომ ბურთს მოვუფრთხილდით და მატჩის მიმდინარეობისას ბევრჯერ არ დაგვიკარგავს, უკეთესად თამაში გვმართებს. მიმაჩნია, რომ პირველი ტაიმი იდეალურთან ახლოს იყო, მეორე ტაიმს კი ძალიან კარგს ვუწოდებდი. ეს ფეხბურთელებს აძლევს რწმენას, რომ სამწვრთნელი შტაბი სწორად მუშაობს და ჩვენი ჩანაფიქრი შედეგიანია.

ვფიქრობ, ამ მატჩში ის, რაც დავგეგმეთ, გამოვიდა. ფეხბურთელების მონდომებით კმაყოფილი ვარ. მას შემდეგ, რაც ბარსელონას მთავარი მწვრთნელი გავხდი, ვხედავ, რომ თითოეული მათგანი 100%-ით იხარჯება. მათ საკმაოდ დიდი კრიტიკა მიიღეს, რამაც მეტი სიმშვიდე მოგვიტანა - ვიმუშავოთ მშვიდად და ჩვენი ჩანაფიქრები სისრულეში მოვიყვანოთ. ვიცოდი, რომ ეს გზა შედეგს მოიტანდა, რადგან გუნდის შიდა სამზარეულოს სხვა თვალით ვუყურებ და ვხედავ, რა სურთ ფეხბურთელებს, რა არის მათი მიზანი და როგორ ბრაზდებიან მაშინ, როდესაც მარცხდებიან.

ეს ტიტული მნიშვნელოვანი იმიტომაცაა, რომ მესის წასვლის შემდეგ, გულშემატკივარმა მძიმე განწყობა გამოისწოროს. ეს მართლაც რთული იყო. ეტაპი, რომელზეც ახლა ვიმყოფებით, რეალურად, ახალი გუნდის შენებაა. ტიტულის გარეშე წელიწადნახევარი ვიყავით, სამი წელი კი მხოლოდ ერთი თასი გვქონდა. ძალიან კარგი თაობა გვყავს და დღეს, ტიტულისადმი ლტოლვა ცხადი იყო".

ბარსელონა 1-3 რეალი | მიმოხილვა