ჰაცუ ბაშო: ტოჩინოშინი უვატენაგეს ილეთით დამარცხდა
„კოკუგიკანის“ სასახლეში „ჰაცუ ბაშოს“ მეორე საშეჯიბრო დღეს ტოჩინოშინი მე-10 მაეგაშირა ჰირადოუმის დაუპირისპირდა. შეხვედრა საკმაოდ საინტერესო და დაძაბული გამოვიდა. საბოლოოდ, უვატენაგეს ილეთით ჰირადოუმიმ გაიმარჯვა.
შეგახსენებთ, სუპერტურნირის პირველ დღეს ტოჩინოშინმა მე-11 მაეგაშირა ჩიიოშომა იორიკირის ილეთით დაამარცხა. საწყისი ორი დღის შემდეგ ლევან გორგაძის ანგარიშზე 1 გამარჯვება და 1 მარცხია.
„ჰაცუ ბაშოს“ მესამე დღეს ტოჩინოშინის მეტოქე მე-12 მაეგაშირა ოკინოუმი იქნება. მათი 23 დაპირისპირებიდან ლევან გორგაძემ 12 მოიგო, ქართველი სპორტსმენი 11 შეხვედრაში დამარცხდა.
ლევანმა გასული ბაშო უარყოფითი ბალანსით დაასრულა, მის ანგარიშზე 6 მოგება და 9 მარცხი იყო, რის გამოც მიმდინარე ბაშოზე დასავლეთის მე-11 მაეგაშირაა. გეტყვით იმასაც, რომ „ჰაცუ ბაშო“ 22 იანვარს დასრულდება.
