„მადლობა და წარმატებები“ - მჭედლიძემ ტორპედო დატოვა

საფეხბურთო კლუბი ქუთაისის „ტორპედო“ ლევან მჭედლიძემ დატოვა. ინფორმაცია ფეხბურთელმა Instagram-ში დაადასტურა.

32 წლის ფორვარდი ქუთაისურ კლუბს დაემშვიდობა: „მადლობა ქუთაისსა და ქუთაისის „ტორპედოს“ გულშემატკივარს გვერდში დგომისთვის და დაფასებითვის. ამ მოკლე პერიოდის განმავლობაში ძალიან შემაყვარა თავი ამ ქალაქმა! წარმატებები და წინსვლა“.

View this post on Instagram

A post shared by Levan Mchedlidze ???????????????? (@mchedlidze_l9)

გასულ წელს ლევან მჭედლიძე ქუთაისის „ტორპედოსთან“ ერთად საქართველოს თასის მფლობელი გახდა.

საქართველოს ეროვნული ნაკრების ყოფილი ფორვარდი ქუთაისურ კლუბში 2021-22 წლებში ასპარეზობდა, კრისტალბეთ ეროვნული ლიგის 25 შეხვედრაში 3 გოლი შეაგდო და 1 საგოლე პასი შეასრულა. მას ასევე უთამაშია „ემპოლიში“ (2008-19), „პალერმოში“ (2008-10), თბილისის „დინამოსა“ (2019-20) და ბათუმის „დინამოში“ (2021).

საქართველოს ეროვნულ ნაკრებში 32 მატჩში 2 გოლი შეაგდო.

ფოტო: „ტორპედოს“ პრესსამსახური