„მისი მსგავსი სტარტი გვქონდა“ - Domino’s Pizza-მ დარვინ ნუნიესს დასცინა
ცნობილმა პიცერიამ, Domino’s Pizza-მ „ლივერპულის“ ფეხბურთელს, დარვინ ნუნიესს დასცინა. მერსისაიდელთა ახალწვეულს „ბრენტფორდთან“ კარგი მატჩი ნამდვილად არ ჰქონია და რამდენიმე რეალური მომენტი გააფუჭა, რის შემდეგაც Domino’s Pizza-ს ყურადღების ცენტრში მოექცა.
„ბოდიშს გიხდით, თუ ამ საღამოს, რომელიმე შეკვეთა გამოგვრჩა, ამ ბიჭის მსგავსი სტარტი გვქონდა“, - დაწერა ცნობილმა პიცერიამ და „ტვიტერის“ საკუთარ გვერდზე დარვინ ნუნიესის ფოტო გამოაქვეყნა.
Sorry if we’ve missed any orders tonight, we’ve just had this guy start pic.twitter.com/7slR29SPQ7
— Domino's Pizza UK (@Dominos_UK) January 2, 2023
აღნიშნულ პოსტს სოციალურ ქსელებში დიდი გამოხმაურება მოჰყვა. იყვნენ ისეთები, ვისაც Domino’s Pizza-ს ხუმრობა მოეწონა, თუმცა გულშემატკივრების უმრავლესობამ პიცერია გააკრიტიკა. მათი თქმით, ეს სრულიად მიუღებელი და სამარცხვინო გადაწყვეტილება იყო, რომლის გამოც, კომპანია ბევრ მომხმარებელს დაკარგავს.
Big chances missed by Darwin Nunez so far this season
— #TouchlineFracas (@touchlinefracas) January 2, 2023
????: @idolastacc pic.twitter.com/31ZS8zpr0b
შეგახსენებთ, რომ „ლივერპული“ 3:1 დამარცხდა და 19 ტურის შემდეგ, პრემიერ ლიგის სატურნირო ცხრილში 28 ქულით მე-6 პოზიციაზე იმყოფება. ნუნიესს ყველაზე რეალური მომენტი მე-8 წუთზე მიეცა და ცარიელ კარში ვერ გაიტანა. ურუგვაელის დარტყმას „ბრენტფორდის“ უკანახაზელი, ბენ მი გადაეღობა.
