კარგი ამბავი ჩელსის ქომაგებისთვის - კანტესთან პროგრესს მიაღწიეს, ჟორჟინიოც რჩება
ლონდონის „ჩელსი“ ჟორჟინიოსა და ნგოლო კანტეს გაშვებას არ აპირებს. „არისტოკრატების“ ნახევარმცველების წასვლის შესახებ ბევრჯერ დაიწერა, თუმცა ბოლო წუთებში გავრცელებული ინფორმაციით, „ლურჯები“ მაქსიმუმს გააკეთებენ, რათა იტალიურ-ფრანგული დუეტი შეინარჩუნონ.
The Athletic-ის მიხედვით, „სტემფორდ ბრიჯის“ ბინადრებმა ნგოლო კანტესთან გამართულ მოლაპარაკებებში პროგრესს მიაღწიეს და მასთან ახალი ხელშეკრულების გაფორმებასთან ახლოს არიან. კანტეს კონტრაქტი მიმდინარე სეზონის ბოლოს ეწურებოდა და მას „ბარსელონას“ უკავშირებდნენ.
ჟორჟინიოს რაც შეეხება, დღეს, მისი აგენტის კომენტარი გავრცელდა, რომელმაც განაცხადა: „ჩელსისგან ახალი კონტრაქტის თაობაზე წინადადება მივიღეთ და ჩვენი პრიორიტეტი ლურჯებთან ამ ხელშეკრულების განხილვაა. ნაპოლის ინტერესი? ბედნიერი ვიქნებით თუ ეს რეალობაა. ჟორჟინიოსთვის ნაპოლი განსაკუთრებული კლუბია, თუმცა ჯერჯერობით კონკრეტული არაფერი ყოფილა“.
Jorginho’s agent Joao Santos: “We’ve received a proposal from Chelsea to sign a new contract so it’s our priority to discuss with Chelsea”, tells TMW. ???????? #CFC
— Fabrizio Romano (@FabrizioRomano) December 29, 2022
“Napoli interest? We’d be happy of their interest, it’s a special club for Jorginho but there’s nothing as of now”. pic.twitter.com/usd102NrpM
შეგახსენებთ, რომ ჟორჟინიოს რამდენიმე კლუბი აკვირდება და ერთ-ერთი „ნიუკასლია“. Sun-ის ცნობით, ის და კანტე ყველა ვარიანტს აქტიურად განიხილავენ და არ გამორიცხავენ, რომ შესაძლოა, კარიერა პრემიერ ლიგის კლუბში გააგრძელონ.
