ოფიციალურად - გაკპო ლივერპულის ფეხბურთელია
ბოლო პერიოდის განმავლობაში, აქტიურად იწერებოდა, რომ კოდი გაკპო „ლივერპულს“ შეუერთდებოდა. ფაქტობრივად, ყველაფერი გადაწყვეტილი იყო და დღეს მერსისაიდული გრანდის ოფიციალურმა გვერდმა ნიდერლანდელი ფეხბურთელის ტრანსფერი დაადასტურა.
ტრანსფერი 37 მილიონი ევრო დაჯდა და ამას ბონუსები დაემატება. კოდიმ „ლივერპულთან“ კონტრაქტი 2028 წლამდე გააფორმა. ხელშეკრულებაზე ხელის მოწერის შემდეგ, ახალგაზრდა შემტევმა კომენტარი გააკეთა.
გაკპო:
„ეს პერიოდი საკმაოდ დაძაბული იყო და ყველაფერი სწრაფად მოხდა. შობის დღესასწაულზე „ლივერპულმა“ ყველაფერი გადაწყვიტა. სიგიჟემდე ბედნიერი ვიყავი. ვან დაიკმა მითხრა, რომ ეს სწორი ნაბიჯი იქნებოდა და უკეთესი ფეხბურთელი გავხდებოდი. ვირჯილმა ისიც მითხრა, რომ „ლივერპული“ ერთი დიდი ოჯახია. ჩემი ოცნებები მაქვს და ამას აუცილებლად ავიხდენ. გუნდის წარმატებისთვის ყველაფერს გავაკეთებ.“
It does look good ???????? pic.twitter.com/SZbj4UnsHy
— Liverpool FC (@LFC) December 28, 2022
