ლაზარე კუპატაძე გორის დილაში? - მოლაპარაკებები დაწყებულია
ბათუმის „დინამოს“ ყოფილმა მეკარემ, ლაზარე კუპატაძემ კარიერა შესაძლოა გორის „დილაში“ გააგრძელოს.
„კრისტალსპორტის“ მიერ მოპოვებული ინფორმაციით, კლუბსა და ფეხბურთელს შორის მოლაპარაკებები მიმდინარეობს და დიდი შანსია, რომ მომავალი სეზონიდან კუპატაძე კვლავ კრისტალბეთ ეროვნულ ლიგაში ვიხილოთ.
26 წლის გოლკიპერი ბოლოს ბათუმის „დინამოს“ ღირსებას იცავდა და გუნდი 2022 წლის ზაფხულში დატოვა.
ლაზარე კუპატაძეს საქართველოს ნაკრებშიც აქტიურად იძახებდნენ და მას ეროვნულ გუნდში 2 შეხვედრა აქვს ჩატარებული.
