„ხვიჩას ყურადღებით აკვირდება“ - პსჟ კვარას ყიდვას აპირებს?
ფრანგული პსჟ საქართველოს ნაკრებისა და „ნაპოლის“ შემტევის, ხვიჩა კვარაცხელიას ტრანსფერით ინტერესდება და ქართველი ფეხბურთელის მდგომარეობას ყურადღებით აკვირდება.
ცნობილი თურქი სატრანსფერო ექსპერტის და ჟურნალისტის ეკრემ კონურის ინფორმაციით, პარიზული კლუბის წარმომადგენლებმა „ნაპოლის“ რამდენიმე თამაშსაც მიადევნეს ყურადღება და არაა გამორიცხული, რომ ზაფხულის სატრანსფერო ფანჯარაზე ნეაპოლურ გუნდს ოფიციალური შეთავაზებითაც მიმართონ.
????#EXCL | PSG is monitoring the situation of Napoli's 21-year-old Georgian star player Khvicha Kvaratskhelia.
— Ekrem KONUR (@Ekremkonur) December 22, 2022
???????? ????#ForzaNapoliSempre ???? #PSG pic.twitter.com/5xBB2lvypE
ცნობისთვის, ეს არაა პირველი შემთხვევა, როცა ევროპულ მედიაში ხვიჩას მიმართ პსჟ-ს ინტერესზე იწერება. რამდენიმე კვირის წინ, ამის შესახებ კლუბთან დაახლოებულმა გვერდმა, Paris Saint-Germain Actualités-მაც დაწერა, რომელიც ამბობდა, რომ პარიზელები კვარაცხელიას გადაბირებით სერიოზულად იყვნენ დაინტერესებულები.
???? Info @PSGInside_Actus .Le Paris Saint-Germain est très intéressé par Khvicha #Kvaratskhelia, le Géorgien vient de signer en août 2022 au #Napoli.Mais les performances des trois derniers mois ont attiré l'œil du #PSG. Le président de Naples en voudrait 60M. Ça va être difficile pic.twitter.com/zFAAAogvBx
— Paris Saint-Germain Actualités ???????????????? (@PSGInside_Actus) November 3, 2022
პარალელურად, რამდენიმე დღის წინ „ნაპოლის“ სპორტულმა დირექტორმა კრისტიანო ჯუნტოლიმ კატეგორიულად განაცხადა, რომ კლუბი ხვიჩას გაყიდვას არ აპირებს, დღეს კი გავრცელდა ინფორმაცია, რომ ახალი წლიდან დე ლაურენტისი ქართველ ფეხბურთელთან კონტრაქტს 2028 წლამდე გაახანგრძლივებს და ხელფასსაც გაუორმაგებს.
შეგახსენებთ, რომ ახლა „ნაპოლი“ სეზონის განახლებისთვის აქტიურად ემზადება. კვარას გუნდი სერია A-ში მომდევნო შეხვედრას 4 იანვარს, სტუმრად „ინტერის“ წინააღმდეგ გამართავს.
