მინიმუმ 2 წლით, მესი ევროპაში რჩება - პსჟ, თუ ბარსა?
მსოფლიო ჩემპიონობის შემდეგ, ყველა ელის თუ რა გადაწყვეტილებას მიიღებს ლეო მესი - დარჩება, თუ არა ის ევროპაში და თუ დარჩა, რამდენი ხნით?
ესპანური Mundo Deportivo წერს, რომ ლეო ამჟამად უმაღლეს დონეზე დარჩენას კიდევ 2 წლით გეგმავს.
წყაროს ცნობით, მესი მინიმუმ ორ წელს ასახელებს, რაც იმას ნიშნავს, რომ ლეო 2025 წლამდე ევროპაში იქნება და შესაძლოა ეს 3 ან 4 სეზონითაც მოხდეს.
პსჟ-ს ხელმძღვანელობას სურს ისარგებლოს ამით და მესისთან ახალი კონტრაქტი გააფორმოს, რის შემდეგაც ის კლუბისთვის გლობალური ელჩი გახდება, ასევე ზოგადად კატარის კონგლომერატისთვის, რომელიც პარიზულ კლუბს მართავს.
მესის ნაცნობ წყაროებზე დაყრდნობით, პარი სენ-ჟერმენს ფეხბურთელის შენარჩუნების 90%-იანი შანსი აქვს.
რაც შეეხება „ბარსელონას“, Sport-ი წერს, რომ უახლოეს მომავალში ჟოან ლაპორტა მესისთან ურთიერთობის აღდგენას აპირებს და შეეცდება ის მშობლიურ კლუბში დაბრუნებაში დაარწმუნოს.
„ბარსა“ პსჟ-ს ფინანსურად კონკურენციას ვერ გაუწევს, მათ მხოლოდ მესის სურვილის იმედი აქვთ. აღსანიშნავია, რომ არგენტინელს ჯერჯერობით გადაწყვეტილება არ მიუღია, მაგრამ ამას მხოლოდ Sport-ი წერს.
Le Parisien-ი კი წერს, რომ ზემოხსენებული 2 წელი, რომელსაც ლეო ევროპაში გაატარებს, პსჟ-ს მაისურით იქნება. ინფორმაციას უკვე ფაბრიციო რომანოც ადასტურებს.
Leo Messi never accepted Inter Miami proposal or negotiated with Barcelona. He was approached by both clubs but it was never advanced ???????????? #Messi
— Fabrizio Romano (@FabrizioRomano) December 21, 2022
Paris Saint-Germain have been pushing for months will president, board, coach to extend his contract — he has now accepted. pic.twitter.com/g1Rh0i9jEW
