„ ეს სიხარული დავიმსახურეთ“ - ლაუტარო მუნდიალის მოგების შემდეგ

კატარი 2022-ის ფინალში არგენტინამ საფრანგეთი პენალტების სერიაში დაამარცხა. მატჩის ძირითადი დრო ფრედ 2:2 დასრულდა. დამატებით დროში გუნდებმა გოლები გაცვალეს (3:3), პენალტების სერიაში კი „ალბისელესტემ“ 4:2 გაიმარჯვა.

გამარჯვების შემდეგ არგენტინის ნაკრების ფორვარდმა ლაუტარო მარტინესმა განაცხადა, რომ თავისი თამაშით კმაყოფილი არ იყო, თუმცა გუნდურმა წარმატებამ უდიდესი სიხარული მოუტანა.

„საოცარია, ჩვენ ქვეყნის ისტორიაში შევედით. ამას მალე გავიაზრებთ, მაგრამ არა ახლა. ოდნავ გულდაწყვეტილი ვარ, რადგან მუნდიალზე ის ფეხბურთი ვერ ვაჩვენე, რაც მე მომწონს, რაც მე მსურდა, მაგრამ ბედნიერი ვარ, რომ გუნდმა მიზანს მიაღწია, ჩვენ ეს ერთად შევძელით, ეს სიგიჟეა.

ძალიან ბედნიერი ვარ. თანაგუნდელებისა და ოჯახის მადლიერი ვარ. ეს სიხარული დავიმსახურეთ. მოდით, ყველამ ერთად ვიზეიმოთ“.

შეგახსენებთ, არგენტინის ნაკრებმა მსოფლიოს ჩემპიონატი ისტორიაში მესამედ მოიგო (1978, 1986, 2022). მარადონას საოცარი ეპოქის შემდეგ არგენტინა პლანეტის საუკეთესო ნაკრები პირველად გახდა.