შიმუნიჩი: „იმდენად ცუდი მსაჯობა იყო, ვერც კი დავიჯერე“
ხორვატიის ნაკრების ყოფილმა ფეხბურთელმა, იოსიპ შიმუნიჩმა არგენტინასთან გამართულ ნახევარფინალურ დაპირისპირებაზე ისაუბრა. „ჰერტასა“ და „ჰოფენჰაიმის“ ექს-მოთამაშემ მატჩის მთავარი არბიტრი, დანიელე ორსატო გააკრიტიკა და განაცხადა, რომ საშინელი მსაჯობა იყო.
„იმდენად ცუდად იმსაჯეს, რომ ვერც კი დავიჯერე. სამწუხაროდ, ეს არგენტინის სასარგებლოდ მოხდა. სამარცხვინოა, რომ პენალტის ეპიზოდში, ვიდეორეფერი არ მოითხოვეს. მეორე გოლი რომ არ გაგვეშვა, შეიძლებოდა, თამაშში დავბრუნებულიყავით, თუმცა არაფერი გამოგვივიდა.
✏️????️ La prensa croata culpa a Orsato: “¡Es una catástrofe!”
— Diario AS (@diarioas) December 15, 2022
“La selección croata ha perdido ante Argentina por 3-0, pero ¿quién sabe qué hubiese pasado si el árbitro italiano Daniele Orsato no se hubiera equivocado g https://t.co/8y4unLXZsr
ზლატკო დალიჩმა სასწაული ჩაიდინა და ის საფეხბურთო ფენომენია. ბიჭები იმსახურებენ, რომ ზაგრებში თბილად დავხვდეთ. ისინი ჩვენი და მთელი ხორვატიის სიამაყის საფუძვლები არიან. მათ წარმატებას ვუსურვებ“.
ცნობისთვის, მსაჯის გადაწყვეტილება ხორვატების ლიდერმა, ლუკა მოდრიჩმაც გააკრიტიკა. ამ უკანასკნელმა განაცხადა, რომ დანიელე ორსატო ერთ-ერთი ყველაზე ცუდი მსაჯია, ვინც კი ოდესმე უნახავს და მისი აზრით, თერთმეტმეტრიანი დასადები არ ყოფილა.
