ტრაგედია და უმძიმესი კადრები - რა მოხდა საფრანგეთში ნახევარფინალური მატჩის შემდეგ
მსოფლიო ჩემპიონატის ნახევარფინალში, საფრანგეთის ნაკრებმა მაროკო 2:0 დაამარცხა და ფინალის საგზური მოიპოვა, სადაც არგენტინას დაუპირისპირდება. „სამფეროვნების“ გამარჯვების შემდეგ, საფრანგეთში ვითარება უკიდურესად დაიძაბა და ქომაგებსა და პოლიციას შორის შეტაკებები იყო.
ფრანგული პრესის ინფორმაციით, მატჩის შემდეგ, მაროკოელი გულშემატკივრები პარიზის, ნიცის, ლიონისა და მონპელიეს ქუჩებში გავიდნენ და აგრესიულად მოქმედებდნენ. სოციალურ ქსელებში ბევრი ვიდეო გავრცელდა, რომლებზეც ფრანგ და მაროკოელ ქომაგებს შორის გამართული ჩხუბები, ერთმანეთის მისამართით ნასროლი პეტარდები, ცეცხლწაკიდებული სანაგვე ყუთები და სხვა მძიმე კადრებია ასახული.
#FRAMAR d'un côté les supporters marocains de l'autre les supporters français. Tirs de mortiers à plein régime pic.twitter.com/H3HI4xJFP5
— Midi Libre Montpellier (@MLMontpellier) December 14, 2022
არეულობას ტრაგედიის გარეშე არ ჩაუვლია და 14 წლის ბიჭი გარდაიცვალა. მაროკოელებმა ერთ-ერთი ავტომობილი ალყაში მოაქციეს და მასზე დამაგრებული საფრანგეთის დროში მოპარვა უნდოდათ, რის გამოც, მძღოლი პანიკაში ჩავარდა, ავტომობილი დაძრა, მკვეთრად მოუხვია და 14 წლის მაროკოელ ბავშვს დაეჯახა. იგი საავადმყოფოში გადაიყვანეს, მაგრამ მისი სიცოცხლის გადარჩენა ვერ მოხერხდა.
#Update: Just in - Other video footage from another angle showing you the Moroccan fans trying to steal the French flag of the car and pounding on it, when then speeding and turning away driving over the group of Moroccan fans after feeling threatened in #Montpellier, #Fance. pic.twitter.com/G750JUT2N3
— Sotiri Dimpinoudis (@sotiridi) December 14, 2022
როგორც მოგეხსენებათ, საფრანგეთის მთავრობა არეულობას ელოდა და ქვეყნის მასშტაბით, 10 000 სამართალდამცველი ჰყავდა მობილიზებული. მათი ნახევარი პარიზში და ქალაქის მიმდებარე ტერიტორიაზე იყო განაწილებული.
