საოცარი ლეო მესი და ალვარესის დუბლი - არგენტინა მუნდიალის ფინალშია
მსოფლიოს 2002 წლის ჩემპიონატის ნახევარფინალში არგენტინის ნაკრებმა ხორვატია 3:0 დაამარცხა. „ალბისელესტე“ მსოფლიოს ჩემპიონატის ფინალში მეხუთედ გავიდა. გასული ოთხი ფინალიდან ორი მოიგო (1978, 1986), ორ შეხვედრაში დამარცხდა (1990, 2014).
ანგარიში 34-ე წუთზე ლეო მესიმ პენალტის ნიშნულიდან გახსნა. პენალტი ხულიან ალვარესმა გამოიმუშავა, რომლის წინააღმდეგ თამაშის წესი ხორვატიის ნაკრების მეკარემ, ლივაკოვიჩმა დაარღვია. 39-ე წუთზე არგენტინის ნაკრების კონტრშეტევა ხულიან ალვარესის ბრწყინვალე დრიბლინგითა და გოლით დასრულდა, ხორვატიის ნაკრების დაცვის ხაზი ჩავარდა. მატჩის საბოლოო ანგარიში 69-ე წუთზე ხულიან ალვარესმა დააფიქსირა, საგოლე პასი ლეო მესის აქტივშია.
ეს გოლი მესისთვის მუნდიალზე რიგით მე-11 იყო, რაც არგენტინის ნაკრების ისტორიაში საუკეთესო მაჩვენებელია.
11 – Lionel Messi has now scored 11 goals at the World Cup, the most of any Argentina player in the competition’s history. Record. pic.twitter.com/0xX0gGJLFb
— OptaJoe (@OptaJoe) December 13, 2022
მესიმ მუნდიალზე 25-ე მატჩი ჩაატარა და ლოთარ მათეუსის რეკორდი გაიმეორა. ამჟამად, მესი და მათეუსი რეკორდის თანაავტორები არიან.
ლეო მესი პირველი ფეხბურთელი გახდა, რომელმაც მსოფლიოს ჩემპიონატის ოთხ შეხვედრაში გოლი გაიტანა და საგოლე პასი შეასრულა (2006 წლის მუნდიალზე სერბეთთან, 2022 წლის მუნდიალზე მექსიკასთან, ნიდერლანდებთან და ხორვატიასთან).
4 – Lionel Messi has become the first player to both score and assist in four separate World Cup matches (since the 1966 edition). Magical.
— OptaJoe (@OptaJoe) December 13, 2022
2006 vs Serbia
2022 vs Mexico
2022 vs Netherlands
2022 vs Croatia pic.twitter.com/Qsh36wCuCj
ამ მუნდიალზე მესიმ ჯგუფური ეტაპიდან ფინალამდე სამივე ფლეი-ოფის შეხვედრაში გოლი გაიტანა. ანალოგიური შედეგი სალვატორე სკილაჩიმ (1990), რობერტო ბაჯომ (1994), ხრისტო სტოიჩკოვმა (1994), დავორ შუკერმა (1998) და ვესლი სნეიდერმა (2010) დააფიქსირეს.
6 - Players to score in the Last 16, Quarter final and Semi final at a single World Cup tournament (since 1986 when the last 16 was introduced):
— OptaPaolo ???? (@OptaPaolo) December 13, 2022
S. Schillaci – 1990
R. Baggio – 1994
H. Stoichkov – 1994
D. Suker – 1998
W. Sneijder – 2010
L. Messi - 2022
Leader. #ARGCRO
ლეო მესის მსოფლიოს ჩემპიონატის ფინალში მეორედ ითამაშებს. 2014 წლის ბრაზილიის მუნდიალის ფინალში არგენტინა გერმანიასთან დამარცხდა.
კატარი 2022-ის ფინალში არგენტინის ნაკრები საფრანგეთსა და მაროკოს შორის გამარჯვებულს შეხვდება. საფრანგეთი-მაროკოს დაპირისპირება 14 დეკემბერს, 23:00 საათზე დაიწყება, ხოლო ფინალური შეხვედრა 18 დეკემბერს გაიმართება.
მესამე ადგილისთვის დაპირისპირება 17 დეკემბერს შედგება, ხორვატიის მეტოქე საფრანგეთსა და მაროკოს შორის დამარცხებული იქნება.
