მიქელთაძის გამარჯვების გოლი - საგოლე პასი დარცმელიამ შეასრულა
ავსტრალიის საფეხბურთო ჩემპიონატის მე-7 ტურში „სენტრალ ქოუსთ მარინერსი“ შინ „ნიუკასლ ჯეტსთან“ 1:2 დამარცხდა. სტუმართა გამარჯვებაში ბექა დარცმელიამ და ბექა მიქელთაძემ დიდი წვლილი შეიტანეს, 66-ე წუთზე დარცმელიას შესრულებულ კუთხურს მიქელთაძის თავური დარტყმა მოჰყვა, ამ გოლით „ნიუკასლ ჯეტსმა“ 3 ქულა მოიპოვა.
65 | B2 to B1!!!!!!! 2-1!!! ????????#BondedByGold #F3Derby
— NEWCASTLE JETS FC ✈️ (@NewcastleJetsFC) December 11, 2022
ქართველმა ფეხბურთელებმა გამარჯვებული გუნდის სასტარტოში ითამაშეს, დარცმელია 82-ე წუთზე შეცვალეს, ხოლო მიქელთაძემ შეუცვლელად ითამაშა, გატანილი გოლიდან ორ წუთში ყვითელი ბარათი მიიღო.
ავსტრალიის ჩემპიონატის მიმდინარე სეზონში ბექა მიქელთაძის ანგარიშზე ხუთ შეხვედრაში გატანილი 2 გოლია. რაც შეეხება ბექა დარცმელიას, მან ხუთ მატჩში 1 გოლი შეაგდო და 2 საგოლე პასი შეასრულა.
12-გუნდიან ჩემპიონატში „ნიუკასლ ჯეტსი“ ექვს ტურში მოპოვებული 9 ქულით მე-6 ადგილზეა.
