“ესპანეთი ისე მოკვდა, როგორც რუსეთში“ - უცხოური მედიის გამოხმაურება
მსოფლიო ჩემპიონატის მერვედფინალში პირველი სენსაცია დაფიქსირდა. ესპანეთი მაროკოს დაუპირისპირდა და დამარცხდა. „ფურია როხა“ მუნდიალს ემშვიდობება. ლუის ენრიკეს შეგირდებმა პენალტების სერიაში წააგეს. აღსანიშნავია, რომ თერთმეტმეტრიანი ვერცერთმა ესპანელმა ვერ გაიტანა.
მატჩის დასრულების შემდეგ, „ფურია როხას“ ასეთ წაგებას გავლენიანი უცხოური გამოცემები გამოეხმაურნენ.
ბლიჩერი - „დაუჯერებელი“
Goal – „მაროკომ ესპანეთი სახლში გაუშვა“
Marca – „ესპანეთის ფიასკო“
AS – „ესპანეთი ისე მოკვდა, როგორც რუსეთში“
Sportbible – „მაროკომ ესპანეთი მიწაზე დაახეთქა“
შეგახსენებთ, რომ 2018 წლის მსოფლიოს ჩემპიონატზე ესპანეთი ამავე სცენარით გავარდა. ჯგუფიდან გასვლა საკმაოდ გაუჭირდა, ხოლო მერვედფინალში, მასპინძელ რუსეთთან პენალტების სერიაში დამარცხდა.
მატჩის ვიდეო მიმოხილვა
