გასახდელში არ უნდა დაეტოვებინა - იანისმა მამუს სათამაშო სახლში წაიღო

აღმოსავლეთ კონფერენციის ერთ-ერთმა ფავორიტმა, „მილუოკი ბაქსმა“ გამთენიისას „ორლანდო მეჯიქი“ დაამარცხა და მეტოქეს 109:102 სძლია. მატჩის შემდეგ, „ბაქსის“ ლიდერი იანის ანტეტოკოუნმპო ჟურნალისტების წინაშე ანიმაციური სატელევიზიო შოუს ერთ-ერთი პერსონაჟის, ჰომერ სიმფსონის სათამაშო თოჯინასთან ერთად წარდგა, რომელიც როგორც გაირკვა, სანდრო მამუკელაშვილის ყოფილა.

კვირას, „მამუ“ ორლანდოში მდებარე გასართობ კომპლექსს, „უნივერსალს“ ესტუმრა და ჰომერ სიმფსონის სათამაშო სწორედ იქ მოიგო. ქართველი კალათბურთელი მატჩზე აღნიშნულ სათამაშოსთან ერთად გამოცხადდა, თუმცა ის გასახდელში დატოვა, რითიც ბერძენმა სუპერვარსკვლავმა ისარგებლა და ამერიკელ ჟურნალისტებს თუ დავუჯერებთ, ჰომერ სიმფსონის სათამაშო სახლში, საკუთარ შვილებს წაუღო.

Via. @ByTimReynolds

Note: Sandro Mamukelashvili won the Homer Simpson doll Giannis is holding at Universal Studios on Sunday, brought it to the game & left it in the locker room. Now Giannis is taking it home for his kids! pic.twitter.com/4WfuZ0epaD

— NBA Buzz (@OfficialNBABuzz) December 6, 2022

საინტერესოა, რომ „გრიკ ფრიკმა“ ქართველ კალათბურთელზეც ისაუბრა და განაცხადა, რომ „მამუმ“ „ორლანდოსთან“ კარგად ითამაშა. იანისმა დასძინა, რომ ეგონა, სანდრო მოგებულ პრიზს ასე იოლად არ შეელეოდა, თუმცა როგორც ჩანს, მამუკელაშვილს სხვა გზა არ ჰქონდა.

შეგახსენებთ, რომ „ორლანდოსთან“ მატჩში, „მამუმ“ პარკეტზე 23 წუთზე ოდნავ მეტი გაატარა და ამ დროში 8 ქულა, 6 მოხსნა (2 მეტოქის ფარზე), 2 შედეგიანი გადაცემა, 1 ჩაჭრა და 1 დაფარება დააგროვა