დაჯარიმდება კუნდე? - ფრანგი მცველი მთელი ტაიმი ყელზე ჯაჭვით თამაშობდა
საფრანგეთის ნაკრების მცველი, ჟიულ კუნდე შესაძლოა FIFA-ს მიერ დაისაჯოს. მიზეზი პოლონეთის ნაკრებთან 1/8 ფინალური შეხვედრის დროს მომხდარი შემთხვევაა. 24 წლის მცველმა შეხვედრა კისერზე ოქროს ჯაჭვით დაიწყო, რაც ფიფას არბიტრაჟის მე-4 წესით აკრძალულია.
ორგანიზაციის წესებში ვკითულობთ:
„მოთამაშეებმა არ უნდა ატარონ სახიფათო აღჭურვილობის საგნები. აკრძალულია ყველა სახის საიუველირო აქსესუარი“.
კუნდეს ჯაჭვი თითქმის მთელი პირველი ტაიმის განმავლობაში ეკეთა და ის გვერდითმა მსაჯმა მხოლოდ 42-ე წუთზე მას შემდეგ შენიშნა, როდესაც მასთან ახლოსმყოფი მცველი აუტის მოწოდებას აპირებდა. ლაინსმენმა შეხვედრა გააჩერა და ფეხბურთელს ჯაჭვის მოხსნა მოსთხოვა.
La cadena de Koundé. pic.twitter.com/FROjoKZHTc
— San Cadilla El Norte (@SancadillaNorte) December 4, 2022
უნდა აღინიშნოს, რომ მსაჯთან შეწინააღმდეგების შემთხვევაში, ფეხბურთელი ყვითელი ბარათით დაჯარიმდებოდა.
თუმცა, შესაძლოა კუნდე სასჯელს მაინც ვერ აცდეს. ესპანური Marca-ს ცნობით, FIFA-ს არბიტრაჟმა ამ საკითხთან დაკავშირებით მოკვლევა დაიწყო და არის შანსი, რომ ფრანგ ფეხბურთელს ფულადი ჯარიმის გადახდა მოუწიოს.
