ხეცურიანის ოქრო და თიბილაშვილის ბრინჯაო პოლონეთიდან
პოლონეთის დედაქალაქ ვარშავაში მიმდინარე ევროპის ჩემპიონატზე ეტლით ფარიკაობაში საქართველოს ნაკრებმა მორიგი მედლები მოიპოვა.
რაპირით ფარიკაობის ნახევარფინალში ირმა ხეცურიანმა უკრაინელ ოლგა იესინას 15:2 - ფინალში კი იტალიელ ბიაჯინის ასევე 15:2 მოუგო და ოქროს მედალს დაესაკუთრა.
ამავე ტურნირზე ასპარეზობისას ნინა თიბილაშვილმა მესამე ადგილისთვის ბრძოლაში უნგრელი ამარელა ვერესი 15:3 დაამარცხა და ბრინჯაოს მედალი მოიპოვა.
ცნობისთვის, საქართველოს ეტლით მოფარიკავე ქალთა ნაკრები ასპარეზობას ხვალ განაგრძობს ირმა ხეცურიანი, ნინა თიბილაშვილი და გვანცა ზადიშვილი რაპირით ფარიკაობის გუნდურ შეჯიბრში მიიღებენ მონაწილეობას.
