სკალონი: ბედნიერები ვართ იმით, თუ როგორ ვითამაშეთ

არგენტინის ნაკრების მთავარმა მწვრთნელმა ლიონელ სკალონიმ პოლონეთთან გამარჯვების (2:0) შემდეგ, პრესკონფერენცია გამართა და თავისი გუნდის თამაში შეაფასა.

„ბედნიერები ვართ იმით, თუ როგორ ვითამაშეთ. იოლი არ იყო, გუნდთან თამაში, რომელსაც ერთბაშად ორი შედეგი აძლევდა ხელს. და ასეთ გუნდთან მოგება გვჭირდებოდა.

რთული იყო, მაგრამ სწორად ვითამაშეთ. ყოველთვის ყველაფერი არ გამოდის, მაგრამ წარმატებული გადაწყვეტილებების ძიების გაგრძელება საბოლოოდ ამართლებს.

მსოფლიო ჩემპიონატზე ყველა მატჩი რთულია. საუდის არაბეთმა დაგვამარცხა - ამას არავინ ელოდა. ფეხბურთში მატჩიდან მატჩამდე უნდა იარო. შეგიძლიათ წააგოთ მაშინაც კი, როცა კარგად თამაშობთ. და ვინც ფიქრობს, რომ ავსტრალიასთან ადვილი იქნება, ცდება.

პოლონეთი კარგად თამაშობს კონტრშეტევებზე, მაგრამ ჩვენ ეს არ დავუშვით. გოლი უფრო მეტად ჩვენი თამაშის წყალობით გავიტანეთ, ვიდრე მეტოქის შეცდომების.

ჩვენ არაფრის პრეტენდენტები არ ვართ. ჩვენ ძლიერი გუნდი ვართ, რომელიც ბოლომდე ბრძოლას ვაპირებთ, მაგრამ არასწორია ვიფიქროთ, რომ ჩვენი დღევანდელი გამარჯვება ჩემპიონობამდე მიგვიყვანს“,

- განაცხადა სკალონიმ.