6-გოლიანი თრილერი - კამერუნმა სერბეთს 1:3-დან გაუთანაბრა
კატარი 2022-ზე, G ჯგუფში შესანიშნავი თამაში ვიხილეთ, კამერუნისა და სერბეთის დაპირისპირება 3:3 დასრულდა.
ანგარიში 29-ე წუთზე კასტელეტომ გახსნა. პირველი ტაიმის პირველ დამატებულ წუთზე სტრაინია პავლოვიჩმა ანგარიში გაათანაბრა. პირველი ტაიმის მესამე დამატებულ წუთზე მილინკოვიჩ-სავიჩმა სერბეთი წინ გაიყვანა. 53-ე წუთზე ალექსანდრ მიტროვიჩმა შეაგდო - 1:3.
სერბეთის ნაკრების ისტორიაში ალექსანდრ მიტროვიჩი პირველი ფეხბურთელია, რომელმაც მუნდიალზე ორი გოლი გაიტანა. მან 2018 წლის მსოფლიოს ჩემპიონატზე შვეიცარიას შეუგდო.
7 - Aleksandar Mitrovic has scored seven goals in his last six games for Serbia in all competitions, with the Fulham striker becoming the first player to score more than once at the World Cup for the nation. Poacher. pic.twitter.com/CZT6yN0OpU
— OptaJoe (@OptaJoe) November 28, 2022
კამერუნმა სამწუთიან მონაკვეთში ორი გოლი შეაგდო, 63-ე წუთზე აბუბაქარმა ტექნიკური დარტყმით მეკარეს ბურთი თავზე გადაუგდო. 66-ე წუთზე აბუბაქარის გადაცემის შემდეგ ჩუპო-მოტინგმა ანგარიში გაათანაბრა და მატჩის საბოლოო ანგარიში დაფიქსირა.
ვინსენტ აბუბაქარი გახდა პირველი აფრიკელი ფეხბურთელი, რომელმაც ცვლილებაზე გამოსვლის შემდეგ გოლი შეაგდო და საგოლე პასი შეასრულა. მსგავსი სტატისტიკა აფრიკული ნაკრებების ფეხბურთელებს არასდროს დაუფიქსირებიათ.
1 - Vincent Aboubakar has become the first substitute to both score and assist in a single World Cup game for an African nation. Emphatic. pic.twitter.com/3Xq7TrCGz9
— OptaJoe (@OptaJoe) November 28, 2022
ამ ეტაპზე ბრაზილია და შვეიცარია 3-3 ქულით ჯგუფის ლიდერები არიან, მათი დაპირისპირება დღეს, 20:00 საათზე დაიწყება. კამერუნისა და სერბეთის აქტივში 1 ქულაა.
მესამე ტურში კამერუნი ბრაზილიას შეხვდება, სერბეთი - შვეიცარიას. ორივე მატჩი 2 დეკემბერს გაიმართება.
