ფიულკრუგმა გერმანია მარცხისგან იხსნა - ესპანეთი გამარჯვებასთან ახლოს იყო
კატარი 2022-ის E ჯგუფის მეორე ტურის დასკვნით შეხვედრაში ესპანეთისა და გერმანიის საფეხბურთო დაპირისპირება 1:1 დასრულდა, ევროპულმა გრანდებმა ქულები გაიყვეს.
უგოლო პირველი ტაიმის შემდეგ ანგარიში 62-ე წუთზე ჟორდი ალბას საგოლე პასის შემდეგ ცვლილებაზე გამოსულმა ალვარო მორატამ გახსნა. მორატამ საჯარიმოში ნიკლას ზიულეს დაასწრო და ახლო მანძილიდან გაიტანა.
ანგარიში 83-ე წუთზე გათანაბრდა, მუსიალას პასის შემდეგ ცვლილებაზე გამოსულმა ნიკლას ფიულკრუგმა ახლო მანძილიდან უძლიერესი დარტყმით შეაგდო, ლუის ენრიკეს გუნდის დაცვის ხაზი ჩავარდა.
2014 წლის მუნდიალის ფინალის შემდეგ, როცა მარიო გიოტცე ცვლილებაზე გამოვიდა და გოლი გაიტანა, ნიკლას ფიულკრუგი გერმანიის ნაკრების პირველი მოთამაშეა, რომელმაც ცვლილებაზე გამოსულმა თავი გოლით გამოიჩინა.
1 - Niclas Füllkrug scored Germany's first World Cup goal by a substitute since the 2014 World Cup final against Argentina (Mario Götze). Joker. #ESPGER #FIFAWorldCup pic.twitter.com/gnmEl9hYhO
— OptaFranz (@OptaFranz) November 27, 2022
მეხუთე დამატებულ წუთზე ლეროი ზანე მეკარესთან პირისპირ გავიდა, თუმცა შესაძლებლობა ვერ გამოიყენა, ბურთი გაექცა და საბოლოოდ შეხვედრა ფრედ 1:1 დასრულდა.
ალვარო მორატა მეექვსე ფეხბურთელია, რომელმაც ზედიზედ ორ შეხვედრაში ცვლილებაზე გამოსულმა გოლი გაიტანა, მან პირველ ტურში კოსტა რიკას შეუგდო, ახლა კი - გერმანიას.
2 - Álvaro Morata is the sixth player to score in consecutive games as a substitute in World Cup history (two goals), the first to do so for Spain ????????. Critical. pic.twitter.com/y2TAXydGdc
— OptaJose (@OptaJose) November 27, 2022
პირველ ტაიმში პაბლო გავიმ 8-დან 5 ორთაბრძოლა მოიგო, რაც ორივე გუნდის ფეხბურთელებს შორის საუკეთესო მაჩვენებელია.
5 - Pablo Gavi ???????? won five of his eight duels in the first 45 minutes against Germany ????????, more than any other player in this first half. Character. pic.twitter.com/HISTeo1SOm
— OptaJose (@OptaJose) November 27, 2022
სერხიო ბუსკეტსმა მსოფლიოს ჩემპიონატზე მე-15 შეხვედრა ჩაატარა. ესპანეთის ნაკრების ისტორიაში მასზე მეტ შეხვედრაში მხოლოდ სერხიო რამოსმა ითამაშა (17). მოგეხსენებათ, ლუის ენრიკემ ბუსკეტსი მიმდინარე მუნდიალზე არ წაიყვანა.
15 - Sergio Busquets will make his 15th appearance at the World Cup - Only Sergio Ramos (17) has made more appearances at the tournament for Spain ???????? among all outfield players (Xavi Hernández also 15). Icon. pic.twitter.com/ZgNRN1yWrj
— OptaJose (@OptaJose) November 27, 2022
საწყისი ორი ტურის შემდეგ ესპანეთი 4 ქულით პირველ ადგილზეა, იაპონიისა და კოსტა რიკის აქტივში 3 ქულაა, ხოლო გერმანია 1 ქულით ბოლო ადგილს იკავებს. მერვედფინალში გასვლის შანსს ოთხივე ნაკრები ინარჩუნებს.
მესამე ტურში იაპონია ესპანეთს შეხვდება, კოსტა რიკა - გერმანიას. ორივე შეხვედრა პირველ დეკემბერს გაიმართება.
