სენსაცია მუნდიალზე - მაროკომ ბელგია ეფექტური გოლებით დაამარცხა
F ჯგუფის მეორე ტურში ბელგიის ნაკრები მაროკოსთან 0:2 დამარცხდა. ამ შეხვედრაში ფავორიტად ბელგიის ნაკრები ითვლებოდა, თუმცა რობერტო მარტინესის გუნდმა მოსაწყენი და კრეატივისგან დაცლილი თამაში შემოგვთავაზა, მაროკოს ნაკრებმა სრულიად დამსახურებულად გაიმარჯვა.
რობერტო მარტინესის გუნდმა ყველა ტურნირზე ჩატარებულ ბოლო 19 შეხვედრიდან 7 მატჩი დათმო, 9 გამარჯვება მოიპოვა, 3 თამაში ფრედ დასრულდა.
7 - Belgium have lost seven of their last 19 matches in all competitions (W9 D3), as many defeats as they’d suffered across their previous 74 games combined (W57 D10). Alarming. pic.twitter.com/4c3WzLI6DJ
— OptaJoe (@OptaJoe) November 27, 2022
ანგარიში 73-ე წუთზე გაიხსნა, საჯარიმო დარტყმისას აბდელჰამიდ საბირიმ მახვილი კუთხიდან გაიტანა.
მაროკოს ნაკრებმა მსოფლიოს ჩემპიონატზე საჯარიმო დარტყმიდან გოლი პირველად გაიტანა. ასევე, მიმდინარე მუნდიალზე ეს იყო პირველი გოლი, რომელიც საჯარიმო დარტყმიდან გავიდა.
1 - Abdelhamid Sabiri has scored Morocco’s first ever direct free-kick goal at the World Cup, while it was the first direct free-kick goal scored by any nation at World Cup 2022. Curled. pic.twitter.com/BVnmdcuXmS
— OptaJoe (@OptaJoe) November 27, 2022
მეორე ტაიმის მეორე დამატებულ წუთზე ზაქარია აბუხლალმა ახლო მანძილიდან შეუგდო კურტუას და მატჩის საბოლოო ანგარიში დააფიქსირა.
ბელგიის ნაკრებმა ფინალური ეტაპის საწყის ორ ტურში მხოლოდ 1 გოლი გაიტანა. ბელგიის ნაკრებმა მუნდიალზე უფრო უარესი შედეგი 1930 წელს დააფიქსირა, როცა საწყის ორ შეხვედრაში გოლი ვერ შეაგდო. მსოფლიოს 2018 წლის ჩემპიონატზე ბელგიამ ჯგუფურ ეტაპზე 8 გოლი გაიტანა.
1 - Belgium have scored one goal at the 2022 World Cup, only scoring fewer after two matches at the 1930 edition (0). They had scored eight goals at the same stage in 2018. Stunted. pic.twitter.com/U0OxrjWzWg
— OptaJoe (@OptaJoe) November 27, 2022
პირველ ტურში მაროკომ ხორვატიასთან 0:0 ითამაშა. ორი შეხვედრის შემდეგ მაროკოს აქტივში 4 ქულაა, პირველ ადგილზეა. ბელგიის ანგარიშზე 3 ქულაა, ხორვატიამ 1 ქულა დააგროვა, კანადა კი 0 ქულით აუტსაიდერია. მეორე ტურში ხორვატია კანადას შეხვდება, მატჩი 27 ნოემბერს, 20:00 საათზე დაიწყება.
მესამე ტურში მაროკოს კანადას დაუპირისპირდება, ხორვატია კი - ბელგიას. ორივე მატჩი პირველ დეკემბერს გაიმართება.
