მესიმ მარადონას რეკორდი გაიმეორა - ენცოს სუპერგოლი და არგენტინის გამარჯვება

კატარი 2022-ზე C ჯგუფის მეორე ტურში არგენტინამ მექსიკა 2:0 დაამარცხა. პირველ ტაიმში მექსიკამ აქტიურად ითამაშა, მეტოქის ნახევარზე პრესინგს ხშირად მიმართავდა, არგენტინელებს შეტევების განვითარება არ გამოსდიოდათ, თუმცა შესვენების შემდეგ სკალონის გუნდმა თამაშის ხარისხი გამოასწორა. 64-ე წუთზე ლეო მესიმ ანგარიში იდეალურად ზუსტი დარტყმით გახსნა. ეს მომენტი შეხვედრაში გარდამტეხი აღმოჩნდა.

87-ე წუთზე ენცო ფერნანდესმა ბრწყინვალე დარტყმით სხვაობა ორ ბურთამდე გაზარდა და მატჩის საბოლოო ანგარიში დააფიქსირა.

მესიმ მსოფლიოს ჩემპიონატზე 21-ე შეხვედრა ჩაატარა და ამ მაჩვენებელით დიეგო მარადონას რეკორდი გაიმეორა. არგენტინის ნაკრების ისტორიაში მესიმ და მარადონამ მსოფლიოს ჩემპიონატზე ყველაზე მეტ შეხვედრაში ითამაშეს (21).

21 - Lionel Messi is making his 21st appearance at the #FIFAWorldCup tonight, which sees him equal Diego Maradona as the player with the most appearances for Argentina in the competition. Iconic. pic.twitter.com/ooLpxfNvmL
— OptaJoe (@OptaJoe) November 26, 2022

ლიონელ მესიმ მუნდიალზე მე-8 გოლი გაიტანა. არგენტინის ნაკრების ისტორიაში მასზე მეტი გოლი მუნდიალზე მხოლოდ გაბრიელ ბატისტუტამ შეაგდო (10). ასევე, აღსანიშნავია, რომ მესიმ მარადონას შედეგი გაიმეორა და მსოფლიოს ჩემპიონატზე მე-8 გოლი შეაგდო.

8 - Lionel Messi has now scored as many World Cup goals as Diego Maradona (8), with only Gabriel Batistuta (10) netting more for Argentina at the tournament overall. Breakthrough. pic.twitter.com/cXIcjGbd3p
— OptaJoe (@OptaJoe) November 26, 2022