ბონეკი: მარადონას დრო წავიდა, ახლა მოსაგებად გუნდი გჭირდება
პოლონური ფეხბურთის (და არამარტო) ლეგენდა ზბიგნევ ბონეკი თვლის, რომ ლეო მესის, დიეგო მარადონასგან განსხვავებით, გამარჯვებისთვის გუნდი სჭირდება.
- მსოფლიოს ჩემპიონატის ფავორიტად რომელ გუნდებს თვლით?
„ვფიქრობ, ამ მსოფლიო ჩემპიონატზე დიდი სიურპრიზები არ იქნება. ტურნირი იმართება არა ივნისში, როცა ფეხბურთელები გასული სეზონით გადაღლილები არიან, არამედ ნოემბერ-დეკემბერში, როცა ფეხები ჯერ კიდევ დასვენებულია. მსოფლიო ჩემპიონატზე დომინირებენ გუნდები, სადაც საუკეთესო მოთამაშეები არიან.
ვფიქრობ, უძლიერესები არიან ბრაზილია, გერმანია, არგენტინა და ესპანეთი“.
- და ვის თვლით ტოპ მოთამაშედ?
„არ მგონია, რომ თანამედროვე ფეხბურთში ერთმა მოთამაშემ რაიმეს შეცვლა შეძლოს. მე ყველა ვარსკვლავზე ვსაუბრობდი, რომლებიც ჩვენ ვიცით. რა თქმა უნდა, შესაძლებელია ვინმემ გადამწყვეტი როლი ითამაშოს, მაგრამ მოგებისთვის გუნდი გჭირდებათ.
მარადონას დღეები დასრულდა. დიეგოს შეეძლო ტურნირის მოგება დამოუკიდებლად, მაგრამ მესის ამისათვის გუნდი სჭირდება. მაგრამ არგენტინას ამის კარგი შესაძლებლობა აქვს“,
- თქვა ბონეკმა, რომელიც ახლა უეფას ვიცე-პრეზიდენტია.
