“არა, წადი!“ - ბონუჩიმ გულშემატკივარი გოგონა ავტობუსიდან გააგდო
როგორც მოგეხსენებათ, იტალიის ნაკრები მსოფლიო ჩემპიონატზე მონაწილეობას არ იღებს. მიუხედავად ამისა, „სკუადრა აძურამ“ ამხანაგური მატჩი მაინც გამართა. რობერტო მანჩინის შეგირდები ალბანეთს დაუპირისპირდნენ და 3:1 დაამარცხეს.
აღნიშნული დაპირისპირება 16 ნოემბერს გაიმართა და დღეს სოციალურ ქსელში საკმაოდ არასასიამოვნო ვიდეო გავრცელდა.
იტალიური ავტორიტეტული გამოცემა Calciomercato ლეონარდო ბონუჩის უღირს საქციელზე წერს და ვიდეოსაც აქვეყნებს.
წყაროს ცნობით, ალბანეთთან დასრულებული მატჩის შემდეგ, იტალიელები ავტობუსში იმყოფებოდნენ, რა დროსაც იქ პატარა გულშემატკივარი გოგონა ავიდა, რომელსაც ამის უფლება რობერტო მანჩინიმ მისცა.
გოგონას ფეხბურთელებთან მისალმება და სურათების გადაღება სურდა, მაგრამ მას ეს ყველაფერი ლეონარდო ბონუჩიმ არ აცალა და ავტობუსის დატოვება მოსთხოვა.
„შენ! არა, არა! წადი“ - ასე მიმართა ვეტერანმა ფეხბურთელმა საკუთარ გულშემატკივარს.
Sta suscitando molte polemiche il video di una tifosa pubblicato sui social, che dice di essere stata invitata da #Mancini sul pullman dell’#Italia????????,
— Calciomercatoweb.it (@cmercatoweb) November 19, 2022
ma cacciata malamente da #Bonucci e gli altri giocatori???? pic.twitter.com/S93LPdm9IX
