ონოშო დამარცხებულია - ტოჩინოშინის მარტივი გამარჯვება სუპერტურნირზე

კიუშუ ბაშოს მე-6 საშეჯიბრო დღეს ტოჩინოშინი მე-11 მაეგაშირა ონოშოს დაუპირისპირდა. შეხვედრა ლევან გორგაძის გამარჯვებით დასრულდა, მან ჰატაკიკომის ილეთი შეასრულა.

 

მიმდინარე სუპერტურნირზე ლევან გორგაძის ბალანსი თანაბარია: 3 გამარჯვება, 3 მარცხი.

მე-7 საშეჯიბრო დღეს ტოჩინოშინი მე-5 მაეგაშირა ნიშიკიფუჯის შეხვდება. მათი 2 დაპირისპირებიდან ლევან გორგაძის ანგარიშზე 1 გამარჯვება და 1 მარცხია.

მიმდინარე ტურნირზე ნიშიკიფუჯიმ საწყისი ხუთი შეხვედრიდან 4 მოიგო და ერთ შეხვედრაში დამარცხდა.