ხოჭოლავას აღიარება - ქართველი მცველი სუპერლიგის სიმბოლურში

Sofascore-მა „კოპენჰაგენის“ ქართველი ცენტრალური მცველი დავით ხოჭოლავა სუპერლიგის მე-16 ტურის სიმბოლურ გუნდში შეიყვანა. 29 წლის ფეხბურთელმა „ლიუნგბიუს“ წინააღმდეგ 90 წუთი ითამაშა, დამაჯერებელი იყო, „კოპენჰაგენმა“ კი ეს შეხვედრა 3:0 მოიგო.

ბურთს 88-ჯერ შეეხო, 77 პასი შეასრულა, მათ შორის 66 ზუსტი აღმოჩნდა (86 პროცენტი). მინდორზე 5-დან 2 ორთაბრძოლა მოიგო, ხოლო მეორე სართულზე 6-დან 5 შემთხვევაში გამარჯვებული გამოვიდა.

მიმდინარე სეზონში დავით ხოჭოლავამ სუპერლიგაში 11 მატჩი ჩაატარა, ჩემპიონთა ლიგის ჯგუფურ ეტაპზე - 5. დანიის თასზე ერთ შეხვედრაში მიიღო მონაწილეობა და გოლიც გაიტანა.

16 ტურის შემდეგ დანიის ჩემპიონატს „ნორშელანი“ 32 ქულით ლიდერობს, „კოპენჰაგენი“ 24 ქულით მესამე ადგილზეა.