რონალდუს და მილიტოს ჩამორჩება - ხვიჩას ბრწყინვალე მიღწევა სერია ა-ში

სერია ა-ს მორიგ ტურში „ნაპოლიმ“ „სასუოლოს“ უმასპინძლა და 4:0 გაანადგურა. ამ გამარჯვებაში უდიდესი წვლილი ხვიჩა კვარაცხელიას მიუძღვის, რომელმაც გოლი გაიტანა და 2 საგოლე გადაცემა მიითვალა.

მსოფლიოში არაერთი სტატისტიკა ითვლება და გამონაკლისი არც ახლანდელი შემთხვევაა. გამოცემა CalcioNapoli Opta-ზე დაყრდნობით საინტერესო სიახლეს გვთავაზობს.

ცნობილი ხდება, რომ 2004 წლის შემდეგ, სადებიუტო 12 მატჩის შემდეგ, ხვიჩა კვარაცხელია თავისი შედეგით მხოლოდ კრიშტიანუ რონალდუს და დიეგო მილიტოს ჩამორჩება. ქართველმა ფეხბურთელმა საწყის 12 შეხვედრაში 6 გოლი გაიტანა და 5 საგოლე გადაცემა შეასრულა. შესაბამისად მან 11 გოლში მიიღო მონაწილეობა.

რაც შეეხება ნახსენებ ორ ფეხბურთელს, პორტუგალიელმა სუპერვარსკვლავმა 13 გოლში მიიღო მონაწილეობა, ხოლო „ინტერის“ ყოფილმა თავდამსხმელმა 15-ში.

11 - Only Diego Milito (15) and Cristiano Ronaldo (13) have been involved in more goals than #Kvaratskhelia (11: 6 goals + 5 assists) in their first 12 matches in #SerieA, among the players who made their debut since 2004/05, since the top-flight returned to 20 teams. Phenomenal. pic.twitter.com/R9Thq8L6W5

— OptaPaolo ???? (@OptaPaolo) October 29, 2022

შეგახსენებთ, რომ ნეაპოლურმა კლუბმა ყველა ტურნირზე ერთად მე-13 მატჩი მოიგო. სერია ა-ში კი სპალეტის გუნდი 32 ქულით ლიდერობს. შემდეგ ტურში „ნაპოლი“ სტუმრად „ატალანტას“ დაუპირისპირდება. აღნიშნული მატჩი 5 ნოემბრით თარიღდება და თბილისის დროით 21:00-დან დაიწყება.

ხვიჩას ყველა მომენტი "სასუოლოსთან"