ბუფონი ნაპოლის შესახებ: ეს ფორმა თუ შეინარჩუნეს, კონკურენციას ვერავინ გაუწევს
ლეგენდარულმა ჯანლუიჯი ბუფონმა Gazzetta dello Sport-თან საუბრისას „ნაპოლის“ მიმდინარე ასპარეზობაზე თავისი პოზიცია დააფიქსირა და სპალეტის გუნდი შეაქო.
„ფეხბურთში ყველაფერი შესაძლებელია, ისევე როგორც ცხოვრებაში. და ეს მე ჩემს თავზე 2016 წელს იუვენტუსთან ერთად გამოვცადე, როდესაც 11-ქულიანი ჩამორჩენის მიუხედავად ქამბექი შევასრულეთ.
ამ სეზონში ინტერის შესაძლო ქამბექზე აუცილებლად უნდა ითქვას, რომ თუ ნაპოლი ამჟამინდელ ფიზიკურ ფორმას, თავდაჯერებას და თამაშის ხარისხს შეინარჩუნებს, მათთვის კონკურენციის გაწევას ვერავინ შეძლებს.
წლევანდელი სეზონი საკმაოდ უცნაურია, რადგან მსოფლიო ჩემპიონატის გამო შუა სეზონში 1-თვიანი პაუზა იქნება და შესაძლოა ბევრი რამ შეიცვალოს“.
- ამბობს ბუფონი.
შეგახსენებთ, რომ ლუჩანო სპალეტის „ნაპოლი“ მიმდინარე სეზონში ევროპის ტოპ 5 ლიგაში პსჟ-სთან ერთად დაუმარცხებელია. ნეაპოლელებმა ჩემპიონთა ლიგაზე 5-დან ხუთივე მატჩი მოიგეს, სერია A-ში კი 11 ტურის შემდეგ 9 მოგება და 2 ფრე აქვთ.
