ბრიტანელი ჟურნალისტი: „ჰოლანდის გვერდით ხვიჩას ხილვა ამაღელვებელი იქნებოდა“

ბრიტანელმა ჟურნალისტმა, დინ ჯონსმა, რომელიც სატრანსფერო სიახლეებზე მუშაობს და Givemesport-ისთვის წერს, ხვიჩა კვარაცხელიაზე ისაუბრა. ჯონსმა დაადასტურა, რომ „სიტი“ „კვარათი“ დაინტერესებულია და ახსნა, ეს რამ განაპირობა.

„თუ დავაკვირდებით ფეხბურთელებს, რომლებმაც მიმდინარე სეზონში ყველაზე დიდი გავლენა მოახდინეს, ხვიჩა ნამდვილად ტოპ 5-ში იმყოფება. როგორც კი ტოპ 5-ში ხვდები, მანჩესტერ სიტი პერსპექტიულ ფეხბურთელად მთელი სერიოზულობით აღგიქვამს. კვარაცხელიას ჰოლანდის გვერდით ხილვა ამაღელვებელი იქნებოდა“.

შეგახსენებთ, რომ ქართველი შემტევით ევროპული ფეხბურთის გრანდები ინტერესდებიან, თუმცა ნეაპოლელები მის გაყიდვას არ აპირებენ. ცნობილი სატრანსფერო ექსპერტის, ფაბრიციო რომანოს ცნობით, „პარტენოპეი“ მის შესანარჩუნებლად იბრძოლებს და ხვიჩა კლუბში არსებული ვითარებით ბედნიერია.

შეგახსენებთ, რომ „ნაპოლიმ“ „რომასთან" მინიმალური სხვაობით, 1:0 იმარჯვა და ზედიზედ მე-11 მატჩი მოიგო. „პარტენოპეის“ 29 ქულა აქვს და სერია A-ს სატურნირო ცხრილის ლიდერია. ნეაპოლელთა მომდევნო გაჩერება ჩემპიონთა ლიგაა, სადაც „რეინჯერსს“ დაუპირისპირდებიან.